Ваўкавыскі павет (Расійская імперыя)

У паняцця ёсць і іншыя значэнні, гл. Ваўкавыскі павет.

Ваўкавыскі павет — адміністрацыйна-тэрытарыяльная адзінка Расійскай імперыі ў канцы XVIII — пачатку XX ст.

Ваўкавыскі павет
Герб
Краіна	Расійская імперыя
Уваходзіць у	Гродзенская губерня
Адміністрацыйны цэнтр	Ваўкавыск
Дата ўтварэння	1795
Дата скасавання	1920
Насельніцтва	148,7 тыс., (1 897)
Плошча	3,8 тыс.

Утвораны пасля Трэцяга падзелу Рэчы Паспалітай у 1795.

Уваходзіў у склад Слонімскай, Літоўскай, а з 1801 — Гродзенскай губерні. Павятовы цэнтр — горад Ваўкавыск. Плошча павета 3413,2 кв. вярсты, насельніцтва 149 678 чал. (1897).

У 1921 г. Ваўкавыскі павет паводле Рыжскага міру трапіў у склад Польшчы, дзе замест яго быў створаны новы Ваўкавыскі павет.

Воласці

У склад Ваўкавыскага павета ўваходзіла 25 валасцей:

• Баярская
• Біскупцоўская
• Вільчукоўская
• Вярэйкаўская
• Гарнастаеўская
• Дабравольская
• Зэльвенская
• Зэльзінская
• Ізабелінская
• Крамяніцкая
• Лыскоўская
• Мыжэрыцкая
• Мсцібаўская
• Падароская
• Поразаўская
• Пянюгаўская
• Пяскоўская
• Роская
• Самаравіцкая
• Свіслацкая
• тарачманоўская
• Тарнопальская
• Шылавіцкая
• Шымкоўская
• Юшкаўская

Пазней Вільчукоўская і Гарнастаеўская воласці перайменаваныя ў Свянтыцкую Ялуўскую.

Мястэчкі

У павеце трынаццаць мястэчак:

• Зэльва
• Ізабеліна
• Крамяніца
• Лапеніца
• Лыскаў (Лыскі)
• Малая Лапеніца
• Мсцібава
• Новы Двор
• Поразава
• Пяскі
• Рось
• Свіслач
• Ялуўка

Таксама 6 сёл, 437 вёсак і 348 дробных населеных пунктаў (1889).