Бязуевічы

Бязу́евічы^[2] (трансліт.: Biazujevičy, руск.: Безуевичи) — вёска ў Слаўгарадскім раёне Магілёўскай вобласці.

Вёска Бязуевічы Краіна Беларусь Вобласць Магілёўская Раён Слаўгарадскі Сельсавет Свенскі Каардынаты 53°21′10″ пн. ш. 30°54′01″ у. д.HGЯO Вышыня цэнтра 143 м Водныя аб’екты Пацэя Колькасць двароў 34[1] Насельніцтва 58[1] чалавек (2011) Часавы пояс UTC+3 Тэлефонны код +375 2246 Паштовы індэкс 213260 Аўтамабільны код 6 СААТА 7250828007 Бязуевічы на карце Беларусі ±

Назва

Існуе паданне, што жылі два асілкі Абіда і Вязула. Абіда жыў на месцы сучаснай вёскі Абідавічы Быхаўскага раёна, Вязула — там дзе цяпер Бязуевічы. Была ў іх адна сякера, якую браты перакідвалі адзін аднаму пры неабходнасці насячы дроваў. Мясцовыя старажылы сведчылі, што назва Бязуевічы паходзіць ад слова «бэз»^[3].

Геаграфія

Побач з вёскай цячэ рака Пацэя.

Уваходзіць у склад Свенскага сельсавета.

Гісторыя

У 1783 годзе ў вёсцы 45 двароў, 277 жыхароў. На карце 1882 года пазначана як Кезуевічы^[3].

Да 23 снежня 2009 года вёска ўваходзіла ў склад Васькавіцкага сельсавета^[4].

Насельніцтва

• 2011 год — 58 чалавек^[1]
• 2010 год — 79 чалавек
• 1999 год — 111 чалавек
• 1910 год — 513 чалавек^[3]

Інфраструктура

У вёсцы працуюць школа, фельчарска-акушэрскі пункт, крама і дом сацыяльных паслуг^[1].

Славутасці

• Брацкая магіла савецкіх воінаў, якія загінулі восенню 1943 года ў баях супраць нямецкіх захопнікаў.
• Магіла савецкага воіна, які загінуў у 1941 годзе ў баі супраць нямецкіх захопнікаў^[5].

Зноскі

1. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
3. Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — 592 с.: іл. С. 565
4. «Об изменении административно-территориального устройства некоторых административно-территориальных единиц Могилевской области». Решение Могилевского областного Совета депутатов от 23 декабря 2009 г. № 17-16 (руск.)
5. Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — 592 с.: іл. С. 550

Спасылкі

• Карта ваенных пахаванняў у Бязуевічах