Астраўцы (возера)

Астраўцы́ — возера ў Беларусі, у Расонскім раёне Віцебскай вобласці ў басейне ракі Дрыса (цячэ праз возера), за 36 км у напрамку на ўсход ад гарадскога пасёлка Расоны, каля вёскі Перавоз.

Астраўцы
Морфаметрыя
Вышыня над узроўнем мора	145,6 м
Даўжыня	2,58 (2,23[1]) км
Шырыня	0,3 (0,48[1]) км
Плошча	0,92 (0,86[1]) км²
Аб’ём	0,00194[1] км³
Даўжыня берагавой лініі	6,7[1] км
Найбольшая глыбіня	4[1] м
Басейн
Упадаюць	Дрыса
Выцякаюць	Дрыса
Размяшчэнне
Краіна	Беларусь
Рэгіён	Віцебская вобласць
Астраўцы
Астраўцы

Плошча паверхні возера 0,92 (0,86^[1]) км². Даўжыня 2,58 (2,23^[1]) км, найбольшая шырыня 0,3 (0,48^[1]) км, даўжыня берагавой лініі 6,7^[1] км. Найбольшая глыбіня 4^[1] м. Аб’ём вады ў возеры 1,94^[1] млн. м³.

Катлавіна возера выцягнутая ў напрамку з поўначы на поўдзень.

Праз возера працякае рака Дрыса і злучае Астраўцы з азёрамі Сіньша і Дрысы. Пратокай злучана з возерам Плеса.

У возеры водзяцца шчупак звычайны, акунь, лешч, плотка, гусцяра, краснапёрка, мянтуз, лінь і іншыя віды рыб.

Зноскі

1. Блакітны скарб Беларусі: Рэкі, азёры, вадасховішчы / Маст.: Ю. А. Тарэеў, У. І. Цярэнцьеў — Мн.: БелЭн, 2007. — 480 с.