Антыёх X Еўсеб Філапатар

У Вікіпедыі ёсць артыкулы пра іншых людзей з імем Антыёх.

Антыёх X Еўсеб Філапатар, ці Антыёх X Набожны («Еўсеб» — «набожны», «Філапатар» — «які любіць свайго бацьку», пам. каля 83 да н.э.) — цар Сірыі (у 95—83 да н.э.) з роду Селеўкідаў^[2]. Сын Антыёха IX Кізікскага і Клеапатры IV.

Антыёх X Еўсеб Філапатар
Άντίοχος Εύσέβης Φιλοπάτωρ
Цар дзяржавы Селеўкідаў 95 — 83 да н.э.
Сумесна з	Філіп I Філадэльф (95 — 83 да н.э.), Антыёх XI Філадэльф (95 да н.э.), Дэметрый III Эўкер (95 — 88 да н.э.), Антыёх XII Дыяніс (87 — 84 да н.э.)
Папярэднік	Антыёх IX Кізікскі
Пераемнік	Тыгран II Армянскі
Нараджэнне	II стагоддзе да н.э.
Смерць	88 да н.э.
Род	Селеўкіды[d]
Бацька	Антыёх IX Кізікскі[1]
Маці	Клеапатра IV
Жонка	Клеапатра Селена[d]
Дзеці	Селеўк VII[d] і Антыёх XIII Дыяніс Калінік
Медыяфайлы на Вікісховішчы

Біяграфія

Антыёх быў адным з прэтэндэнтаў на прастол у міжусобнай барацьбе апошніх Селеўкідаў. Пасля пачатку кіравання ў 95 годзе да н.э. яго першым дасягненнем была перамога над сваім стрыечным братам Селеўкам VI Эпіфанам. Гэта было помстай за смерць бацькі, забітага Селеўкам VI.

Пасля гэтага Антыёх стаў кіраваць Антыёхіяй і яе наваколлямі, удзельнічаючы ў бесперапыннай барацьбе супраць чатырох братоў Селеўка VI, набатэеў і парфян. Для ўмацавання сваёй улады ў 95 годзе да н.э. ажаніўся са сваёй мачахай Клеапатрай Селенай I  (англ.)^[3].

Дата яго звяржэння дакладна не невядома. Іосіф Флавій меркаваў, што ён быў забіты каля 90 гады да н.э. у бітве з парфянамі і яго ўладаннямі ў Антыёхіі завалодаў Філіп I Філадэльф. Апіян паведамляў, што Антыёх быў пераможаны падчас уварвання ў Сірыю армянскага цара Тыграна II Вялікага каля 83 года да н.э., але дзеянні Антыёха не паказаны. Яго сын Антыёх XIII Азіяцкі быў зроблены царом пасля перамогі рымскага вайскавода Лукула над Тыгранам II.

Зноскі

1. Антіохъ // Энциклопедический лексикон — СПб.: 1835. — Т. 2. — С. 373–374.

   <a href='https://wikidata.org/wiki/Track:Q21282453'></a><a href='https://wikidata.org/wiki/Track:Q4532135'></a><a href='https://wikidata.org/wiki/Track:Q50184348'></a>
2. Антиох, цари Сирии // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
3. Генеалогія Пталамеяў (англ.)

Спасылкі

• Рыжов К. Все монархи мира. Древняя Греция. Древний Рим. Византия

• Антыёх X Еўсеб Філапатар (англ.). — у Smith's Dictionary of Greek and Roman Biography and Mythology.