Алімпія (Вашынгтон)

У паняцця ёсць і іншыя значэнні, гл. Алімпія.

Алімпія (англ.: Olympia) — горад у ЗША, сталіца штата Вашынгтон, адміністрацыйны цэнтр акругі Цёрстан.

Горад Алімпія Olympia Краіна  ЗША Штат Вашынгтон Каардынаты 47°02′33″ пн. ш. 122°53′35″ з. д.HGЯO Мэр Стэфан Баксбаўм Заснаваны 1851 Горад з 1859 Плошча 52.02 км² Вышыня цэнтра 29 м Тып клімату марскі Насельніцтва 55 605 чалавек (2020) Шчыльнасць 1,120.58 чал./км² Часавы пояс UTC-8, летам UTC-7 Тэлефонны код 360 Паштовыя індэксы 98500-98599 Афіцыйны сайт ci.olympia.wa.us Алімпія на карце ЗША ±

Медыяфайлы на Вікісховішчы

Геаграфія

Горад размешчаны на поўдні заліва П’юджэт-Саўнд у вусці ракі Дэшут. Частка тэрыторыі цэнтра горада знаходзіцца на насыпных глебах. На паўночны захад ад Алімпіі размешчаны паўвостраў Алімпік з аднайменным нацыянальным паркам, дзе растуць унікальныя дажджавыя лясы ўмеранага клімату.

Клімат

Клімат Алімпіі марскі з рысамі міжземнаморскага. Сярэднямесячная тэмпература вагаецца ад 3-3,5 °C зімой да 17-17,6 ° С летам, сярэднегадавая — 10,2 °C. Ападкаў выпадае 1265 мм у год, летам у выглядзе дажджу, зімой — у выглядзе дажджу, снегу або снегу з дажджом. Сярэдняя вільготнасць паветра — 93 %. Увосень і ўзімку частыя моцныя туманы. Найбольш высокая зарэгістраваная тэмпература — 39,8 °C, мінімальная — −22,4 °C.

Клімат Алімпіі
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	17,7	22,7	26,1	30,5	35,5	36,6	40,0	40,0	36,6	32,2	23,3	17,7	40,0
Сярэдні максімум, °C	7,8	9,7	12,3	15,1	18,6	21,6	25,0	25,5	22,3	15,8	10,2	6,9	15,9
Сярэдні мінімум, °C	0,5	0,0	1,3	2,8	5,8	8,3	10,1	9,9	7,4	4,3	2,1	0,0	4,3
Абсалютны мінімум, °C	−22,2	−18,3	−12,7	−5	−3,8	−1,1	1,6	0,5	−3,8	−10	−18,3	−21,6	−22,2
Норма ападкаў, мм	196	133	134	89	59	44	16	23	43	116	219	187	1 265
Крыніца: NWS

Насельніцтва

Паводле даных перапісы 2010 года ў горадзе пражывала 46 478 чалавек, мелася 20 761 хатняя гаспадарка і 10 672 сям'і.

Расавы склад насельніцтва:

• белыя — 77,4 %
• лацінаамерыканцы (усіх рас) — 6,3 %
• азіяты — 6,0 %
• негры — 2,0 %
• індзейцы — 1,1 %

Сярэднегадавы даход на душу насельніцтва складае 22 590 долараў ЗША (даныя 2000 года). Сярэдні ўзрост гараджан — 38 гадоў. Узровень злачыннасці значна ніжэйшы за сярэдні па ЗША.

Горад-пабрацім

• Ката, Японія

Спасылкі

• На Вікісховішчы ёсць медыяфайлы па тэме Алімпія (Вашынгтон)
• Афіцыйны сайт Алімпіі