Аляксей Міхайлавіч Ненадавец

Аляксей Міхайлавіч Ненадавец (12 лютага 1958, в. Чухава, Пінскі раён, Брэсцкая вобласць — 28 кастрычніка 2023) — беларускі літаратуразнавец. Доктар філалагічных навук (1995).

Аляксей Міхайлавіч Ненадавец
Дата нараджэння	12 лютага 1958(1958-02-12)
Месца нараджэння	Чухава, Чухаўскі сельсавет, Лагішынскі раён, Брэсцкая вобласць, БССР, СССР
Дата смерці	28 кастрычніка 2023(2023-10-28) (65 гадоў)
Грамадзянства	СССР  Беларусь
Род дзейнасці	літаратуразнавец, літаратурны крытык, этнограф, фалькларыст, выкладчык універсітэта
Навуковая сфера	літаратурная крытыка[1], этнаграфія[1] і фальклор[1]
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі Бабруйскі філіял БДЭУ[d] Беларускі дзяржаўны эканамічны ўніверсітэт
Альма-матар	Гомельскі дзяржаўны ўніверсітэт імя Францыска Скарыны

Біяграфія

Нарадзіўся 12 лютага 1958 года ў в. Чухава Пінскага раёна Брэсцкай вобласці.

У 1980 годзе скончыў Гомельскі дзяржаўны ўніверсітэт. 3 1992 года працаваў у Інстытуце мастацтвазнаўства, этнаграфіі і фальклору НАН Беларусі. Даследаваў беларускую міфалогію, краязнаўства, фальклор, узаемасувязі літаратуры з міфалогіяй, а таксама Міншчыну ў легендах і паданнях. Пазней працаваў загадчыкам кафедры грамадскіх дысцыплін і права Бабруйскага філіяла БДЭУ, пасля закрыцця якога ў 2017 годзе, наступныя шэсць гадоў працаваў на кафедры беларускай і рускай моў БДЭУ^[2].

Памёр 28 кастрычніка 2023 года^[2].

Навуковыя працы

• «Пакланіцеся дубу» (1993)
• «Крэпасць на Бярэзіне»(1993)
• «Святло таямнічага вогнішча» (1993)
• «Каму пакланяліся продкі» (1996)
• Тэадор Нарбут. — Мінск, 1996.
• «За смугою міфа». — Мн.: Беларуская навука, 1999. — 254 с.
• «Сілаю слова: Чорная і белая магія» (2002).
• Міфалогія. Духоўныя вершы — Мн.: Беларуская навука, 2003 (кніга з серыі «Беларускі фальклор: Жанры, віды, паэтыка»).
• Зборнікі легенд аб паходжанні назваў населеных пунктаў: «Брэстчына» (1995), «Міншчына» (1998), «Гродзеншчына» (1999), «Віцебшчына» (2000), «Гомельшчына» (2001), «Магілёўшчына» (2002).
• Адзін з аўтараў гістарычна-дакументальных хронік «Памяць» Бабруйска і Бабруйскага раёна, выдадзеных адпаведна ў 1995 і 1998, напісаў артыкулы пра фальклор Калінкавіцкага і Брагінскага раёнаў (2002, 2003).

Зноскі

1. Czech National Authority Database Праверана 7 лістапада 2022.

   <a href='https://wikidata.org/wiki/Track:Q13550863'></a>
2. Ушел из жизни Алексей Ненадовец