Аляксандр Ільіч Антаненка

Аляксандр Ільіч Антаненка (нар. 2 кастрычніка 1953, Слаўгарад Магілёўскай вобласці) — беларускі эканаміст і палітык.

Аляксандр Ільіч Антаненка
дэпутат Палаты прадстаўнікоў Нацыянальнага сходу Рэспублікі Беларусь[d] 27 кастрычніка 2008 — 18 кастрычніка 2012
Нараджэнне	2 кастрычніка 1953(1953-10-02)[1] (71 год) Слаўгарад, Слаўгарадскі раён, Магілёўская вобласць, БССР, СССР[1]
Адукацыя	Акадэмія кіравання пры Прэзідэнце Рэспублікі Беларусь[1] Санкт-Пецярбургскі дзяржаўны ўніверсітэт эканомікі і фінансаў
Месца працы	Беларусбанк
Узнагароды	Ганаровая грамата Савета Міністраў Рэспублікі Беларусь ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Антоненка.

Біяграфія

Скончыў Ленінградскі фінансава-эканамічны інстытут імя М. А. Вазнясенскага (эканаміст), Акадэмію кіравання пры Прэзідэнце Рэспублікі Беларусь (дзяржаўнае кіраванне нацыянальнай эканомікай).

Служыў у радах Узброеных Сіл. Працаваў майстрам, старшым майстрам механазборачнага ўчастка, начальнікам аддзела працы і заработнай платы Гродзенскага вытворчага аб’яднання па выпуску тэхналагічнай аснасткі. Быў інструктарам прамыслова-транспартнага аддзела Гродзенскага гаркама КПБ, інструктарам аддзела лёгкай прамысловасці і тавараў народнага спажывання, кансультантам сацыяльна-эканамічнага аддзела Гродзенскага абкама КПБ. Працаваў начальнікам інспекцыі дзяржаўнага падатковага камітэта па гораду Гродна, намеснікам начальніка і начальнікам інспекцыі дзяржаўнага падатковага камітэта па Гродзенскай вобласці, начальнікам аддзела Гродзенскага абласнога ўпраўлення акцыянернага ашчаднага банка «Беларусбанк». Займаў пасады загадчыка фінансавага аддзела, старшыні Гродзенскага гарвыканкама.

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны медалём «За працоўныя заслугі», Ганаровай граматай Нацыянальнага сходу Рэспублікі Беларусь, Ганаровай граматай Савета Міністраў Рэспублікі Беларусь^[2].

Зноскі

1. http://house.gov.by/index.php/,5525,18229,,,0,0,0.html
2. ПАРЛАМЕНТ. Национальное собрание Республики Беларусь четвертого созыва