Адольф Самойлавіч Гугель

Адо́льф Само́йлавіч Гу́гель (3 чэрвеня 1915, Вена — 1 ліпеня 1999) — беларускі савецкі мастак. Заслужаны дзеяч мастацтваў БССР.

Адольф Самойлавіч Гугель
Дата нараджэння	3 чэрвеня 1915(1915-06-03)
Месца нараджэння	Вена, Аўстра-Венгрыя
Дата смерці	1 ліпеня 1999(1999-07-01) (84 гады)
Грамадзянства	Аўстра-Венгрыя  СССР  Беларусь
Жонка	Раіса Уладзіміраўна Кудрэвіч
Род дзейнасці	мастак
Вучоба	Віцебскае народнае мастацкае вучылішча
Уплыў	Іван Восіпавіч Ахрэмчык і Леў Мееравіч Лейтман
Член у	Беларускі саюз мастакоў
Узнагароды
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Гугель.

Біяграфія

Нарадзіўся ў сям’і рабочага. Да 1924 года выхоўваўся ў дзіцячым доме, дзе навучыўся маляваць. У 1936—1940 гадах навучаўся ў Віцебскім мастацкім вучылішчы ў выкладчыкаў Івана Ахрэмчыка, Льва Лейтмана.

Пасля сканчэння вучылішча працаваў ва Управе па справах мастацтваў БССР. З пачаткам Вялікай Айчыннай вайны на фронце, пасля перанесенай хваробы адпраўлены ў Кемерава. Працаваў начальнікам будаўнічай калоны, памочнікам начальніка будаўніча-мантажнай часткі Галоўбоепрыпасбуда СССР. Стаў адным з арганізатараў Кемераўскага аддзялення Саюза мастакоў РСФСР.

Пасля вайны пераехаў у Мінск. Член БСМ з 1946 года.

Жонка — мастак Раіса Кудрэвіч.

Творчасць

Удзельнік мастацкіх выставак з 1943 года.

Працаваў у станковым жывапісе ў жанрах пейзажа, партрэта, нацюрморта. Творы захоўваюцца ў Нацыянальным мастацкім музеі Беларусі, фондах Беларускага саюза мастакоў, музеі сучаснага выяўленчага мастацтва (Мінск), Магілёўскім абласным мастацкім музеі імя П. Масленікава.

Сярод прац: «Ідуць на фронт», «Партызанская балада», «З мінулага», «Кастусь Каліноўскі» (разам з Р. У. Кудрэвіч і інш.

Зноскі

Літаратура

• Бадзін Р. Р. Адольф Гугель. Альбом. — Мн.: Беларусь, 1990.
• Версоцкий В. И. и др. Художники советской Белоруссии. — Мн.: Беларусь, 1976.
• Вольценбург О. Э., Горина Т. Н., Сысоева П. М., Фёдоров-Давыдов А. А. Художники народов СССР XI—XX вв. Биобиблиографический словарь. — Санкт-Петербург: Академический проект, 2002. — Т. 3. — С. 219.
• Рубинчик А. Л. Живопись соцреализма в советских открытках. Альбом-каталог. — Москва: Магма, 2008. — 199 с. — ISBN 978-5-93428-055-1.
• Адольф Гугель. Раиса Кудревич / Авт. и сост.: В. Старовойтов, В. Загородний; Авт. вступ. ст.: Л.Соловей. — Мн., 1994.
• Matthew Cullerne Bown. A Dictionary of Twentieth Century Russian And Soviet Painters. 1900s – 1980s. — London: Izomar Limited, 1998. — 372 с. — ISBN 9780953206100.
• Гугель Адольф Самойлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 254. — 800 с. — 5 000 экз. — ISBN 985-11-0026-9.

Спасылкі

• Гугель Адольф Самойлавіч (Самуілавіч) на сайце анлайн-энцыклапедыі «Беларусь у асобах і падзеях»
• Могилёвская областная библиотека (руск.)