From Wikipedia, the free encyclopedia
Ford Escort — кампактны легкавы аўтамабіль. У мадэльным шэрагу кампаніі Ford з 1967 года.
Першае пакаленне дэбютавала ў студзені 1968 года. Вытворчасць стартавала на заводзе ў англійскім Хэйлвудзе. Праз год вытворчасць пачалася ў бельгійскім Генку, а ў студзені 1970 года да яго выпуску падключыўся новы нямецкі завод у Саарлуі ў Германіі. Акрамя таго, Эскорты першага пакалення выпускаліся ў Аўстраліі, Новай Зеландыі, Ізраілі і на Тайвані[1].
У верасні 1969 года да двухдзвернага седана і двухдзвернага ўніверсала ў мадэльны шэраг дадаўся чатырохдзверны седан.
Рухавікі — аб’ёмам 0,9-2,0 л магутнасцю 36-120 к.с.
Для ўдзелу ў ралі была распрацавана мадыфікацыя Escort Twin Cam з двухвальным рухавіком Lotus 1,6 (109 к.с.). У 1970 годзе ёй на змену прыйшоў Escort RS1600. Ён меў рухавік 1,6 сямейства BDA з шаснаццаціклапаннай галоўкай блока Cosworth. У 1973 годзе была выпушчана дарожная версія Escort RS2000 з двухлітровым васьміклапанным рухавіком магутнасці 100 к.с.[2]
У верасні 1980 года пабачыў свет трэці Ford Escort — пярэднепрывадны хэтчбек з размешчаным папярочна верхневальным рухавіком новага сямейства CVH.
З 1981 года пачаўся выпуск спартыўнай мадыфікацыі XR3 (1,6 л, 96 к.с.), а праз год дэбютаваў RS1600i — з упырскавым рухавіком 1,6 л (115 к.с.) і пяціступеньчатай каробкай перадач. Яшчэ праз тры гады з’явілася мадэль RS Turbo — з рухавіком з турбанаддзіманнем (132 к.с.), самаблакаваным дыферэнцыялам і АБС[2].
У 1983 годзе ў продаж паступіла дызельная мадыфікацыя. Тады ж гаму дапоўнілі трох- і пяцідзверны ўніверсалы, кабрыялет (вытворчасцю займалася фірма Karmann) і чатырохдзверны седан пад уласным імем Orion[1].
У 1986 годзе Escoгt трэцяга пакалення зведаў рэстайлінг.
Пасля рэстайлінгу 1992 года змяніліся абрысы фар і ліхтароў, рассейвальнікі пярэдніх паваротнікаў сталі белымі, памяняліся выштампоўкі на бакавінах, а радыятарная рашотка стала эліптычнай формы.
У 1995 годзе адбылася грунтоўная мадэрнізацыя. Аўтамабіль атрымаў новыя капот, авальную рашотку радыятара і абцякальныя масіўныя бамперы, паказальнікі паваротаў аб’яднаныя з фарамі. Бакавыя молдынгі і дзвярныя ручкі сталі больш патопленымі ў дзверы, а бакавыя люстэркі здабылі новыя абрысы. Змены зведалі і ўнутраныя кузаўныя панэлі з мэтай паменшыць шум і вібрацыі, чаму спрыялі ўдасканаленыя падвеска рухавіка і выпускная сістэма. Дапрацавана падвеска. Цалкам змяніўся інтэр’ер.
У 1998 годзе вытворчасць ў Германіі была завершана; але аўтамабілі яшчэ працягвалі выпускацца да 2000 года ў Вялікабрытаніі і Беларусі[3]. Месца ў мадэльным шэрагу заняў Ford Focus.
Новы Ford Escort быў выпушчаны ў студзені 2015 года і прадаецца на кітайскім рынку.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.