BioShock Infinite
камп’ютарная гульня-шутар ад першай асобы / From Wikipedia, the free encyclopedia
«BioShóck Ínfinite» — шутар ад першай асобы, распрацаваны кампаніяй «Irrational Games[en]» і выдадзены «2K Games[en]». Ён быў выпушчаны ва ўсім свеце для «Microsoft Windows», «PlayStation 3» і «Xbox 360» 26 сакавіка 2013 года, порт для «OS X» ад кампаніі «Aspyr[en]» быў выпушчаны 29 жніўня 2013 года, порт для «Linux» быў выпушчаны 17 сакавіка 2015 года. «Infinite» — гэта трэцяя гульня ў «серыі BioShock[en]», але яе сюжэтная лінія не з’яўляецца часткай сюжэтнай лініі папярэдніх гульняў «BioShock». Канцэпцыя геймплэю аналагічная папярэднім гульням. «Irrational Games» і Кен Левін[en] базавалі гульню на гістарычных падзеях пачатку XX стагоддзя, напрыклад, Калумбаўскай выстаўцы 1893 года, і на аснове канцэпцыі амерыканскай выключнасці[ru], а таксама ўплыве ад пазнейшых падзей, напрыклад, руху «Захапі»[en].
BioShock Infinite | |
---|---|
![]() | |
Распрацоўшчык | Irrational Games[en][заўв 1] |
Выдавец | 2K Games[d][3] |
Лакалізатар | SoftClub[d] |
Частка серыі | BioShock[d] |
Даты выпуску |
Windows, PS3, X360 26 сакавіка 2013 OS X 29 жніўня 2013 Linux 17 сакавіка 2015 |
Жанр | шутар ад першай асобы[d] |
Стваральнікі | |
Геймдызайнер | Кен Левін[d] |
Кампазітар | |
Тэхнічныя даныя | |
Платформы | Windows, Xbox 360, PlayStation 3, macOS, Linux, Xbox One, PlayStation 4 і Nintendo Switch |
Гульнявы рухавік | Unreal Engine 3[d] |
Рэжым гульні | аднакарыстальніцкая гульня |
Мова інтэрфейсу | англійская |
Носьбіты | Blu-ray Disc[d], DVD+R DL[d], лічбавае распаўсюджванне[d], аптычны дыск і лічбавая спампоўка[d] |
Кіраванне | геймпад, камп’ютарная клавіятура і камп’ютарная мыш |
Афіцыйны сайт (англ.) | |
![]() |
Падзеі гульні адбываюцца ў 1912 годзе. Галоўны герой, былы агент Пінкертана[en] Букер Дэ Віт пасланы да плаваючага ў паветры горада Калумбія, каб знайсці маладую жанчыну Элізабет, якая знаходзіцца там у палоне большую частку свайго жыцця. Хоць Букер ратуе Элізабет, пара становіцца звязанай з супрацьстаялымі групоўкамі горада: натывістычнымі[en] і элітычнымі[en] заснавальнікамі, якія кіруюць Калумбіяй і імкнуцца захаваць свае прывілеі для белых амерыканцаў, і «Vox Populi», падземнымі паўстанцамі, якія прадстаўляюць найніжэйшы клас[en] горада. Падчас гэтага канфлікту Букер даведваецца, што Элізабет валодае дзіўнымі здольнасцямі маніпуляваць «разрывамі» ў прасторава-часовым кантынууме і неўзабаве выяўляе, што гэтыя здольнасці маюць вялізнае значэнне для цёмных таямніц горада.
Гулец кіруе Букерам Дэ Вітам на працягу ўсёй гульні, АІ-кантраляваная Элізабет яму дапамагае. Як і ў папярэдніх гульнях «BioShock», гулец выкарыстоўвае камбінацыі зброі і адзення, якія называецца «Gears». Яны прапануюць унікальныя атрыбуты і псіхакінетычныя здольнасці. Сілы Элізабет таксама могуць быць выкарыстаныя, каб дапамагчы ў барацьбе з варожымі сіламі. У адрозненні ад абмежаваных прастор падводнага горада «Rapture», адкрытасць Калумбіі прадугледжвае больш дынамічнага бою, уключаючы баі, якія праходзіць на амерыканскіх горках[en], якія з’яўляюцца чыгуначнай сістэмай горада. Загружаны кантэнт для гульні ўключае ў сябе дадатковую місію «Burial at Sea», якая звязвае сюжэт «Infinite» з сюжэтам арыгінальнай гульні «BioShock».
Гульня атрымала больш за 85 узнагарод на E3 2011, у тым ліку «Best of Show» з «Game Critics Awards[en]». «BioShock Infinite» атрымала добрыя водгукі крытыкаў. У прыватнасці, пахвалы тычыліся яе сюжэту і візуальнага дызайнерскага мастацтва. Паводле водгуку «Metacritic» гэта трэцяя па рэйтынгах відэагульня 2013 года. На працягу двух месяцаў з моманту выпуску было прададзена больш за 3 700 000 фізічных копій, увогуле былі прададзены больш за 6 мільёнаў копій. У канцы года гульня выйграла некалькі ўзнагарод, у тым ліку «Гульня года» паводле некалькіх гульнявых выданняў.