Шэршэль

Шэршэ́ль (араб. شرشال‎‎) — горад і порт у Алжыры ў вілаеце Тыпаса, у 90 км ад сталіцы дзяржавы.

Горад Шэршэль араб. شرشال‎‎ Фантан на гарадской плошчы ў Шэршэлі Краіна  Алжыр Вілая Тыпаза Каардынаты 36°36′30″ пн. ш. 02°12′05″ у. д.HGЯO Водныя аб’екты Міжземнае мора Часавы пояс UTC+1 Паштовы індэкс 42100 Шэршэль на карце Алжыра

Медыяфайлы на Вікісховішчы

Гісторыя

Рымская мазаіка з выявай Бахуса, знойдзеная ў Шэршэлі

Заснаваны фінікійцамі пад назвай Іол. У VI ст. да н.э. увайшоў у склад Карфагенскай дзяржавы, пасля Другой Пунічнай вайны — Нумідыі, а пасля далучэння большай часткі Нумідыі да Рыма стаў сталіцай незалежнага царства Маўрэтанія.

У 20 г. да н.э. маўрэтанскі цар Юба II перайменаваў горад у Цэзарэю, або Цэзарэю Маўрэтанскую, — у гонар імператара Аўгуста — і перабудаваў яго ў рымскім стылі. У 44 годзе Маўрэтанія была далучаная Клаўдзіем да Рымскай імперыі, і Цэзарэя стала адміністрацыйным цэнтрам правінцыі Маўрэтанія Цэзарэйская. У V ст. Цэзарэю спалілі вандалы, аднак з вяртаннем афрыканскіх правінцый пад візантыйскую ўладу горад быў адбудаваны.

У VIII ст. горад занялі арабы. Сучасная назва — Шэршэль — з'яўляецца пераробленым на берберскі лад рымскім імем горада.

Вядомыя асобы

• Марк Апелій Север Макрын (164—218) — рымскі імператар.
• Асія Джэбар — алжырская пісьменніца і кінарэжысёр.

Літаратура

• Кесария // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• На Вікісховішчы ёсць медыяфайлы па тэме Шэршэль
• Фатаграфіі Шэршэля (фр.)