Цэналеставыя

Цэнале́ставыя, пацукападобныя апосумы (Caenolestidae) — сямейства амерыканскіх сумчатых млекакормячых, адзінае сучаснае ў атрадзе цэналестаў (Paucituberculata).

Цэналеставыя
Caenolestes sangay
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Сумчатыя Атрад:  Paucituberculata Сямейства:  Цэналеставыя
Міжнародная навуковая назва
Caenolestidae Trouessart, 1898
Геахраналогія  з'явіўся 48,6 млн лет млн гадоў Эпоха П-д Эра Чт К а й н а з о й 2,588 5,33 Пліяцэн Н е а г е н 23,03 Міяцэн 33,9 Алігацэн П а л е а г е н 55,8 Эацэн 65,5 Палеацэн 251 Мезазой ◄ Наш час ◄ Мел-палеагенавае выміранне
Сістэматыка на Віківідах Выявы на Вікісховішчы ITIS   552311 NCBI   30659 EOL   1676 FW   40051

Апісанне

Даўжыня цела 10—13 см, хваста 6—12 см. Знешне падобныя да пацукоў ці землярыек. Валасяное покрыва шчыльнае і мяккае, на спіне бура-шэрае або цёмна-бурае, на бруху святлейшае. Галава падоўжаная, канічная. Хвост укрыты кароткімі грубымі валаскамі. Канечнасці пяціпальцыя, заднія даўжэйшыя за пярэднія. У маладых самак зрэдку ёсць вывадкавая сумка, у дарослых адсутнічае.

Вядомы з эацэну Паўднёвай Амерыкі. Падзяляюцца на 3 сучасных роды, 7 відаў. Пашыраны ў лясах і гарах (да 4200 м) Паўднёвай Амерыкі. Кормяцца пераважна беспазваночнымі.

Літаратура

• Цэналеставыя // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).