Хальгрымскірк’я

Хальгрымскірк’я (ісл.: Hallgrímskirkja — царква Халгрымура) — лютэранская царква ў Рэйк’явіку, сталіцы Ісландыі. Чацвёрты па вышыні будынак у Ісландыі, пасля даўгахвалевай радыёмачты Хелісандур, Эйларскага даўгахвалевага радыёперадатчыка і Смараторгскай вежы. Царква названа ў гонар паэта і нацыянальнага лідара Халгрымура Пітурсана, аўтара кнігі «Passion hymns» (Гімны жарсці).

Славутасць
Хальгрымскірк’я
ісл.: Hallgrímskirkja
64°08′30″ пн. ш. 21°55′36″ з. д.HGЯO
Краіна	Ісландыя[1]
Месцазнаходжанне	Рэйк’явік[1]
Канфесія	Царква Ісландыі
Архітэктурны стыль	неаготыка і экспрэсіянізм[d]
Архітэктар	Гуд'ёўн Самуэльсан
Дата заснавання	1986
Вышыня	74 м[2]
Сайт	hallgrimskirkja.is (ісл.)
Медыяфайлы на Вікісховішчы

Праект царквы быў распрацаваны ў 1937 годзе архітэктарам Гуд’ёўнам Самуэльсанам. Царква будавалася 38 год. Будаўнічыя работы пачаліся ў 1945 годзе, а скончыліся ў 1986 годзе. Крыпта і хоры былі завершаны ў 1948 годзе, вежа і крылы — ў 1974 годзе. Неф быў асвечаны ў 1986 годзе. Царква знаходзіцца ў цэнтры Рэйк’явіка, і бачна з любой кропкі горада. Яна зрабілася сімвалам ісландскай сталіцы.

У царкве месціцца вялікі арган, створаны германскім майстрам Ёханесам Клайсам з Бона. Арган з’яўляецца механічным, мае 5275 трубкі, яго вышыня 15 м, вага — 25 тон.

Царква выкарыстоўваецца таксама ў якасці аглядальнай вежы, з якой адкрываецца цудоўны від на Рэйк’явік і яго ваколіцы. Перад царквой знаходзіцца статуя Лейфа Шчаслівага, падораная Злучанымі Штатамі Амерыкі ў 1930 годзе ў гонар тысячагадовага юбілею альтынга — Ісландскага парламента.

Гл. таксама

• Царква Грундтвіга

Зноскі

1. archINFORM — 1994. Праверана 31 ліпеня 2018.

   <a href='https://wikidata.org/wiki/Track:Q265049'></a>
2. https://snl.no/Hallgrímskirkja