іспанскі футбольны клуб From Wikipedia, the free encyclopedia
«Дэпартыва» (ісп.: Real Club Deportivo de La Coruña) ― іспанскі футбольны клуб з горада Ла-Карунья з аўтаномнай супольнасці Галісія. Заснаваны ў 1906 годзе. Хатнія гульні праводзіць на стадыёне «Рыясор», што ўмяшчае 32 660 гледачоў.
Дэпартыва Ла-Карунья | ||||
---|---|---|---|---|
Поўная назва | Real Club Deportivo de La Coruña, S.A.D. | |||
Заснаваны | 1906 | |||
Горад | Ла-Карунья, Іспанія | |||
Стадыён |
Рыясор Умяшчальнасць: 32 660 |
|||
Прэзідэнт | Антоніа Каўсейру[d] | |||
Галоўны трэнер | ||||
Чэмпіянат | Першы дывізіён RFEF | |||
2021/22 | 2 месца ў Групе 1 | |||
Сайт | Афіцыйны сайт | |||
|
Пераможца чэмпіянату Іспаніі (2000) і яшчэ пяць разоў фінішаваў другім (1950, 1994, 1995, 2001 і 2002). Двойчы выйграваў Кубак Іспаніі і тройчы Суперкубак. Пяць разоў прымалі ўдзел у Лізе чэмпіёнаў і столькі ж разоў у Кубку УЕФА. Да правядзення чэмпіянату Іспаніі клуб шэсць разоў станавіўся чэмпіёнам Галісіі (1927, 1928, 1931, 1933, 1937, 1940).
Галоўным праціўнікам клуба з’яўляецца іншая каманда з Галісіі — «Сельта» з Віга. Традыцыйна гуляе ў бела-сініх паласатых кашулях і сініх шортах і гетрах.
У 1902 годзе Хасэ Марыя Абала вярнуўся дадому ў Ла-Карунью пасля навучання ў Англіі, дзе ён пазнаёміўся з гульнёй у футбол. У 1904 годзе ён разам з сябрамі сабралі каманду, якую назвалі «Карунья» (ісп.: Coruña). Гульня ў горадзе стала больш папулярнай, калі ў прэстыжнай гімназіі горада Sala Calvet футбол быў уведзены ў праграму навучання.
У снежні 1906 года вучні гімназіі згаданай вышэй стварылі сваю ўласную каманду, якую назвалі Club Deportivo da Sala Calvet. Праз два з паловай гады клуб атрымаў статус каралеўскага ад Альфонса XIII і з гэтага часу існуе цяперашні назва каманды Real Club Deportivo de A Coruña.