Сабор Святога Патрыка (Нью-Ёрк)

У паняцця ёсць і іншыя значэнні, гл. Сабор Святога Патрыка.

Сабор Св. Патрыка (англ.: St. Patrick's Cathedral) — каталіцкі храм у Нью-Ёркк, выбітны помнік неаготыкі. Сабор унесены ў рэгістр нацыянальных гістарычных помнікаў ЗША (англ.: National Historic Landmark). Гэта самы вялікі, пабудаваны ў неагатычным стылі, каталіцкі храм ЗША^[1]. Сабор святога Патрыка з'яўляецца кафедральным саборам архідыяцэзіі Нью-Ёрка. Сабор размешчаны на скрыжаванні Пяцідзясятай вуліцы і Пятай авеню, насупраць будынка Ракфелер-цэнтра.

Хрысціянскі сабор
Сабор Святога Патрыка
англ.: St. Patrick's Cathedral
Від сабора з Ракфелер Цэнтра
40°45′31″ пн. ш. 73°58′35″ з. д.HGЯO
Краіна	ЗША
Горад	Нью-Ёрк, Манхэтэн
Канфесія	Каталіцызм
Епархія	Архідыяцэзія Нью-Ёрка
Тып будынка	Сабор
Архітэктурны стыль	Неаготыка
Архітэктар	Джэймс Рэнвік малодшы
Дата заснавання	1858
Будаўніцтва	1858—1878 гады
Вышыня	100 м
Матэрыял	мармур Такаха[d]
Стан	Дзеючы сабор
Сайт	saintpatrickscathedral.org
Медыяфайлы на Вікісховішчы

Гісторыя

Будаўніцтва храма пачалося ў 1858 годзе і завяршылася ў 1878 годзе (працы былі прыпынены на час Грамадзянскай вайны). Асвячэнне сабора адбылося 25 мая 1879 года. Вежы былі дабудаваны ў 1888 годзе.

Паміж 1927 і 1931 гадамі сабор быў адрэстаўраваны.

Архітэктура

Сабор выбудаваны з белага і карычневага мармуру, здабытага ў Нью-Ёрку і Масачусетсе. Даўжыня сабора — 332 фута (101 м), вышыня вежаў — 330 футаў (100 метраў). У мінулым вежы сабора былі адной з архітэктурных дамінант горада, але зараз сабор заціснуты з усіх бакоў больш высокімі небаскробамі. Сабор можа ўмясціць 2 200 чалавек.

Зноскі

1. Афіцыйны сайт Архівавана 23 мая 2007.

Спасылкі

• Інфармацыя і фатаграфіі