Порт-Блэр

У паняцця ёсць і іншыя значэнні, гл. Блэр.

Порт-Блэр (англ.: Port Blair вымаўленне^ⓘ хіндзі: पोर्ट ब्लेयर) — горад на востраве Паўднёвы Андаман, сталіца і найбуйнейшы населены пункт саюзнай тэрыторыі Андаманскія і Нікабарскія астравы.

Горад Порт-Блэр хіндзі: पोर्ट ब्लेयर англ.: Port Blair Краіна  Індыя Саюзная тэрыторыя Андаманскія і Нікабарскія астравы Каардынаты 11°40′ пн. ш. 92°45′ у. д.HGЯO Заснаваны 1858 Плошча 16,64 км² Вышыня цэнтра 17 ± 1 м[1] Тып клімату трапічны Насельніцтва 100 608 чалавек (2011) Шчыльнасць 6046,15 чал./км² Часавы пояс UTC+5:30 Тэлефонны код 3192 Паштовыя індэксы 744101 Порт-Блэр на карце Індыі

Медыяфайлы на Вікісховішчы

Клімат

Клімат у горадзе трапічны, вільготны, з адносна сухім сезонам у студзені—красавіку. У год выпадае 3100—3150 мм, сярэднямесячная тэмпература ад +25,5°С да +28,0 °C (сярэднегадавая — +26,4 °C).

Гісторыя

У 1789 годзе ўлады Бенгаліі заснавалі выпраўленчую калонію на востраве Чэтэм у паўднёва-ўсходнім заліве Вялікага Андамана, названую Порт-Блэр, у гонар лейтэнанта Арчыбальда Блэра, брытанскага марскога афіцэра з Брытанскай Ост-Індскай кампаніі. Праз два гады калонію перанеслі на паўночна-ўсходняе ўзбярэжжа Вялікага Андамана і пераназвалі ў Порт-Корнуаліс, у гонар адмірала Уільяма Корнуаліса. У калоніі было шмат захворванняў і высокая смяротнасць, таму ўлады закрылі калонію ў маі 1796 года.

У 1940-х гг у Порт-Блэры размяшчалася штаб-кватэра Індыйскай нацыянальнай арміі пад кіраўніцтвам Субхаса Чандры Боса, з 1943 па 1945 гады тэрыторыя была акупавана Японіяй.

Горад пацярпеў ад цунамі, выкліканага снежаньскім землетрасеннем 2004 года, аднак у дастатковай ступені захаваўся і выкарыстоўваўся як база для аказання дапамогі пацярпелым на архіпелагу.

Насельніцтва

Паводле перапісу 2011 года, у Порт-Блэры пражывала 100 608 чалавек.^[2]

Эканоміка

У наш час у горадзе развіта суднабудаванне і рыбалоўства, працуе лесаперапрацоўчы завод. Порт-Блэр вядомы таксама саматужнымі вырабамі з розных матэрыялаў (дрэва, скура, металы).^[3]

Турызм

Порт-Блэр папулярны сярод турыстаў, побач з горадам размешчаны беласнежныя пляжы, у горадзе знаходзяцца буйны дайвінгавы цэнтр, а таксама антрапалагічны, лясны і марскі музеі.^[4] Будынак былой турмы выкарыстоўваецца як турыстычны атракцыён.

Зноскі

1. Port Blair, Andaman and Nicobar Islands, India Праверана 13 ліпеня 2018.
2. Census of India 2011: Provisional Population Totals. Cities having population 1 lakh and above.
3. Даныя з ВСЭ
4. Курорты Андаманскіх і Нікабарскіх астравоў