Нью-Ёркская публічная бібліятэка

Нью-Ёркская публічная бібліятэка (англ. The New York Public Library, NYPL) — адна з найбуйнейшых бібліятэк свету. Акрамя таго, адна з найбуйнейшых навуковых бібліятэчных сістэм у свеце. З’яўляецца прыватнай некамерцыйнай арганізацыяй з публічнай місіяй і карыстаецца як прыватным, так і дзяржаўным фінансаваннем. Гісторык Дэвід Мак-Калау назваў Нью-Ёркскую публічную бібліятэку адной з найважнейшых бібліятэк Злучаных Штатаў Амерыкі (акрамя яе ў гэту пяцёрку ўваходзяць Бібліятэка Кангрэса, Бостанская грамадская бібліятэка і ўніверсітэцкія бібліятэкі Гарварда і Ельскага ўніверсітэта)^[8].

Нью-Ёркская публічная бібліятэка
англ.: The New York Public Library, Astor, Lenox and Tilden Foundations
Цэнтральны корпус, пабудаваны паміж 1897 і 1911 гадамі
Краіна	ЗША[1][2]
Адрас	Нью-Ёрк
Заснавана	1895
Філіялы	87
Код ISIL	US-NN і US-nn
Фонд
Склад фонду	кнігі, відэазапісы, карты і інш.
Аб'ём фонду	53,1 млн адзінак[3] (14 млн кніг[4])
Доступ і карыстанне
Абслугоўванне	18 000 000 чал. (2009)[5]
Колькасць чытачоў	18 млн у год[3]
Іншая інфармацыя
Бюджэт	$50 171 798
Дырэктар	Эн Торнтан[6]  — прэзідэнт, генеральны дырэктар, Пол Леклерк — абраны прэзідэнт, Энтані Маркс[7]
Супрацоўнікі	3 147[3]
Вэб-сайт	сайт бібліятэкі
Узнагароды	Сярэбранае кавадла[d] (1996)
Медыяфайлы на Вікісховішчы

Філіялы Нью-Ёркскай публічнай бібліятэкі знаходзяцца ў Манхэтэне, Бронксе і Статэн-Айлендзе. Як сцвярджае Амерыканская бібліятэчная асацыяцыя, сярод гэтых філіялаў — дваццаць шостая па велічыні бібліятэка Злучаных Штатаў^[9]. Іншыя два раёны Нью-Ёрка, Бруклін і Квінс, абслугоўваюць Бруклінская публічная бібліятэка і Бібліятэка Куінса адпаведна. Абедзве гэтыя бібліятэкі заснаваны яшчэ да аб’яднання Нью-Ёрка.

У наш час Нью-Ёркская публічная бібліятэка ўключае 87 падраздзяленняў: чатыры навуковыя бібліятэкі без выдачы кніг на дом, чатыры галоўныя бібліятэкі з абанементнай выдачай, бібліятэку для людзей з абмежаванымі магчымасцямі і 77 раённых філіялаў. Карыстанне ўсімі бібліятэкамі сістэмы NYPL бясплатнае для ўсіх жадаючых. У 2008 годзе фонды сістэмы ўтрымлівалі 44 160 825 пазіцый (кніг, відэазапісаў, карт і г.д.), з якіх кніг 15 985 192. У філіялах захоўвалася 7 565 579 пазіцый, з якіх 4 416 812 — кнігі^[10]. У 2009 годзе 44 356 334 пазіцый у асноўнай калекцыі і 8 708 869 у філіялах^[3]. Агулам фонды сістэмы ўтрымліваюць звых 50 млн пазіцый, з якіх больш за 20 млн складаюць кнігі. Такім чынам, па памерах фондаў Нью-Ёркская публічная бібліятэка саступае толькі Бібліятэцы Кангрэса і Брытанскай бібліятэцы.

Зноскі

1. archINFORM — 1994. Праверана 30 ліпеня 2018.

   <a href='https://wikidata.org/wiki/Track:Q265049'></a>
2. Global LEI index Праверана 17 верасня 2024.

   <a href='https://wikidata.org/wiki/Track:Q55259097'></a>
3. The New York Public Library’s 2009 Annual Report (англ.) (30 кастрычніка 2009). Архівавана з першакрыніцы 23 сакавіка 2012. Праверана 15 ліпеня 2010.
4. Find Books, DVDs & More | The New York Public Library (англ.) (30 кастрычніка 2009). Архівавана з першакрыніцы 23 сакавіка 2012. Праверана 14 ліпеня 2010.
5. http://www.webcitation.org/66ODxZ9hd Праверана 15 ліпеня 2010.
6. Contact List - The New York Public Library (нявызн.). Архівавана з першакрыніцы 23 сакавіка 2012. Праверана 23 May 2010.
7. New York Public Library Names Dr. Anthony Marx Next President (нявызн.). Архівавана з першакрыніцы 23 сакавіка 2012. Праверана 26 лютага 2015.
8. Simon & Schuster:David McCullough (нявызн.). Архівавана з першакрыніцы 29 верасня 2006. Праверана 12 кастрычніка 2007.
9. American Library Association: The Nation's Largest Libraries (нявызн.)(недаступная спасылка). Архівавана з першакрыніцы 13 красавіка 2009. Праверана 17 сакавіка 2009.
10. New York Public 2008 Annual Report (PDF)

Спасылкі

• На Вікісховішчы ёсць медыяфайлы па тэме Нью-Ёркская публічная бібліятэка
• (англ.) Нью-Ёркская публічная бібліятэка
• Нью-Ёркская публічная бібліятэка ў сацыяльнай сетцы «Twitter»