Наступленне ў Іспанскім Леванце (1938)

Наступленне ў Іспанскім Леванце — ваенная аперацыя іспанскіх нацыяналістаў падчас грамадзянскай вайны 1936—1939 гадоў. Наступленне пачалося ў красавіку 1938 года і працягвалася да канца ліпеня.

Наступленне ў Іспанскім Леванце
Асноўны канфлікт: Грамадзянская вайна ў Іспаніі
Дата	23 красавіка — 24 ліпеня 1938
Месца	усходне-цэнтральная Іспанія
Вынік	перамога рэспубліканцаў
Праціўнікі
Другая Іспанская Рэспубліка пры падтрымцы: СССР (ваенныя пастаўкі) Францыя (транзіт ваенных паставак) Франкісцкая Іспанія Італьянскі экспедыцыйны корпус Легіён «Кондар»
Камандуючыя
Леапольда Менендэс Хасэ Энрыке Варэла
Сілы бакоў
125 000 чалавек 125 000 чалавек
Страты
5 000 чалавек забітымі 20 000 чалавек забітымі

Ход падзей

Пасля поспеху Арагонскага наступлення, у выніку якога арміі нацыяналістаў выйшлі да Міжземнага мора, Другая Іспанская Рэспубліка была падзелена на дзве часткі — цэнтральнаіспанскую і каталонскую. Лідар паўстанцаў Франсіска Франка вырашыў захапіць горад Валенсія, які, у сувязі са складанай ваеннай абстаноўкай пад Мадрыдам, стаў сталіцай рэспубліканцаў.

23 сакавіка нацыяналісты пачалі ваенную аперацыю ў Леванце, але праз некалькі дзён прыпынілі прасоўванне. Аднак 1 мая яны ажыцявілі атакі з боку Тэруэля і мора. Тым не менш, рэспубліканцы добра трымалі абарону, чаму паспрыялі дажджы і ваенная дапамога з СССР праз Францыю.

13 чэрвеня мяцежнікам атрымалася захапіць горад Кастэльён-дэ-ла-Плана, але пад Сагунта іх зноў прыпынілі. Да пачатку ліпеня Франка ўзмацніў фронт італьянскімі часцямі. Хутка яго войскі аднавілі рух на Валенсію. У сярэдзіне месяца яны дасягнулі абарончай лініі XYZ, якая была апошняй перашкодай на шляху да рэспубліканскай сталіцы. 18 ліпеня нацыяналісты пачалі штурм умацаваных раёнаў праціўніка.

24 ліпеня, у сувязі з наступленнем рэспубліканцаў на Эбра і вялікімі стратамі на абарончай лініі XYZ, армія Франка скончыла Леванцкую аперацыю, так і не дасягнуўшы сваёй мэты.

Літаратура

• Helen Graham. The Spanish Civil War: A Very Short Introduction. — Oxford University Press; 1st edition, 2005. — 176 с. — ISBN 978-0192803771.
• Hugh Thomas. The Spanish Civil War. — Modern Library, 2001. — 1136 с. — ISBN 978-0375755156.
• Paul Preston. The Spanish Civil War: Reaction, Revolution, and Revenge. — W. W. Norton & Company; Revised and Expanded edition, 2006. — 432 с. — ISBN 978-0393329872.
• Antony Beevor. The Battle for Spain: The Spanish Civil War 1936-1939. — Penguin Books, 2006. — 592 с. — ISBN 978-0143037651.