Навагрудская епархія

Навагру́дская епа́рхія (Навагру́дская і Сло́німская епа́рхія) — царкоўна-адміністрацыйная адзінка Беларускай праваслаўнай царквы (экзархата).

Навагрудская і Слонімская епархія
Беларуская праваслаўная царква
Свята-Мікольскі кафедральны сабор у г. Навагрудку
Агульныя звесткі
Краіна	Беларусь
Епархіяльны цэнтр	Навагрудак
Заснавана	1415
Кіраванне
Кіруючы архірэй	архіепіскап Навагрудскі і Слонімскі Гурый (Апалька) (з 4 жніўня 1996)
Вікарныя епіскапы	Пётр (Карпусюк)
Кафедральны храм	Свята-Мікольскі (Навагрудак)
Другі кафедральны храм	Спаса-Праабражэнскі (Слонім)
Статыстыка
Благачынняў	4
Прыходаў	97
Манастыроў	3
Сайт	eparhia.by
Карта
Медыяфайлы на Вікісховішчы

На 2017 год ахоплівае тэрыторыю Дзятлаўскага, Карэліцкага, Навагрудскага і Слонімскага раёнаў.

Рэзідэнцыя кіруючага архірэя знаходзіцца ў Жыровіцкім Свята-Успенскім мужчынскім манастыры.

Гісторыя

Гл. таксама: Літоўская мітраполія

У 1316—1596 гадах Навагрудак быў цэнтрам Літоўска-Новагародскай мітраполіі.

У 1942—1944 епархія існавала ў складзе Беларускай аўтакефальнай праваслаўнай царквы.

У лютым 1992 адноўлена, ахоплівала Навагрудскі, Астравецкі, Ашмянскі, Дзятлаўскі, Іўеўскі, Карэліцкі, Лідскі, Слонімскі, Смаргонскі раёны Гродзенскай вобласці. На тэрыторыі епархіі ў в. Жыровічы дзейнічае Мінская духоўная семінарыя. Тытул кіруючага архірэя Навагрудскай епархіі — епіскап Навагрудскі і Лідскі.

Навагрудская епархія да 2014 года

У 2014 годзе са складу Навагрудскай епархіі была выдзелена Лідская епархія^[1]. Тэрыторыя Навагрудскай епархіі была вызначана ў межах Дзятлаўскага, Карэліцкага, Навагрудскага і Слонімскага раёнаў. Кіруючы архірэй атрымаў тытул епіскапа Навагрудскага і Слонімскага.

У 2014 годзе ў Навагрудскай епархіі было створана Дзятлаўскае вікарыяцтва, епіскапам якога з’яўляецца Пётр (Карпусюк).

Благачынні (Дабрачынні)

• Дзятлаўскае
• Карэліцкае
• Навагрудскае
• Слонімскае

Архірэі

• Афанасій (Мартас) (8 сакавіка 1941—1944)
• Канстанцін (16 чэрвеня 1991 — 17 ліпеня 1996)
• Гурый (з 4 жніўня 1996)

Манастыры

• Свята-Елісееўскі Лаўрышаўскі мужчынскі манастыр
• Слонімскі Дабравешчанскі манастыр
• Свята-Засіма-Саваціеўскі мужчынскі манастыр

Зноскі

1. Новогрудская епархия // Официальный сайт Русской Православной Церкви.

Літаратура

• Навагрудская праваслаўная епархія // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 592 с. — 10 000 экз. — ISBN 985-11-0141-9. С. 258.

Спасылкі

• Навагрудская епархія // Афіцыйны сайт Беларускай Праваслаўнай Царквы (бел.)
• Навагрудская епархія // Беларускі праваслаўны каляндар на 2000 год
• Афіцыйны сайт Навагрудскай епархіі Беларускай праваслаўнай царквы