Міхал Вітаноўскі

Міхал (Міхаіл Іванавіч) Вітаноўскі (польск.: Michał Witanowski, руск.: Михаил Иванович Витановский) — дзяржаўны службовец, памешчык.

Міхал Вітаноўскі
Равіч
губернатар аўгустоўскі[d] 1836 — 1843
Нараджэнне	каля 1784
Смерць	24 ліпеня 1843(1843-07-24) Варшава, Царства Польскае, Расійская імперыя
Месца пахавання	Касцёл Праабражэння Гасподняга ў Варшаве[d]
Род	Вітаноўскія[d]
Бацька	Ян Вітаноўскі[d]
Жонка	Ганна Сакалоўская[d]
Дзеці	Ганна з Вітаноўскіх[d]
Член у	Сябры чалавецтва Вузел Еднасці[d] Шчаслівае вызваленне Ніжэйшы капітул «Святыні Спакою»

У Вікіпедыі ёсць артыкулы пра іншых асоб з прозвішчам Вітаноўскі.

Біяграфія

Паходзіў са шляхецкага роду Вітаноўскіх герба «Равіч». Сын Яна Вітаноўскага. Меў брата Дамініка^[1].

На службе з 1806 года^[2]. У 1812 г. — генеральны сакратар французскай адміністрацыі Гродзенскага павета. У 1817—1819 г. — сакратар Гродзенскага дваранскага сходу. У 1826 г. — чыноўнік 8-га класа, камісарыяцкі камісіянер у канцылярыі грамадзянскіх спраў царэвіча Канстанціна Паўлавіча^[1].

Сябра масонскай ложы «Сябры чалавецтва» ў Гродне, 2-і дазорца ў 1818, 1-ы дазорца ў 1819; намесны майстар у 1820, па дазволу Нясвіжскага малога капітула ўведзены ў 4-ю ст. у 1821. Ганаровы сябра масонскай ложы «Вузел еднасці» ў Навагрудку, масон 4-й ст. у 1821. Ганаровы сябра масонскай ложы «Шчаслівага Вызвалення» ў Нясвіжы, масон 4-й ст. у 1820—1821. Сябра ніжэйшага капітула «Святыні Спакою» ў Нясвіжы ў 1819, масон 4-й ст. у 1820^[1].

Правадзейны стацкі саветнік з 1840 года^[2]. У 1836—1843 гадах займаў пасаду аўгустоўскага грамадзянскага губернатара^[3].

Прыехаў з Сувалкаў у Варшаву на лячэнне, дзе і памёр 24 ліпеня 1843 г. у доме Вернера па вул. Длуга, 544. 26 ліпеня 1843 г. пахаваны ў касцёле Капуцынаў^[pl][4].

Апошні ўладальнік маёнтка Савіцкія ў Кобрынскім павеце, пасля яго смерці ў 1853^[5] годзе маёнтак перайшоў ва ўласнасць Антонія Задарноўскага^[6].

Зноскі

1. Швед 2007.
2. С. В. Волков. Высшее чиновничество Российской империи. Краткий словарь Архівавана 7 снежня 2021.
3. Andrzej Matusiewicz. Prezesi Komisji Województwa Augustowskiego i gubernatorzy cywilni augustowscy w latach 1816—1866
4. A. Tyszka, Nekrologi Kuriera Warszawskiego
5. Магчыма, дата памылковая, бо некралогу брата Дамініка, які памёр 2 сакавіка 1848, былы аўгустоўскі губернатар адзначаны як памерлы
6. Sawickie (Białoruś) czyli utracone dziedzictwo

Літаратура

• Швед, В. В. Вітаноўскі Міхал Янавіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.