Міхал Абуховіч

У Вікіпедыі ёсць артыкулы пра іншых асоб з прозвішчам Абуховіч.

Міхал Абуховіч (каля 1760 — 1826^[1]) — вялікалітоўскі дзяржаўны дзеяч.

Міхал Абуховіч
Герб уласны «Ясеньчык зменены»
33-і кашталян менскі 1793 — 1795
Папярэднік	Шыман Забела
дэпутат Трыбунала Вялікага Княства Літоўскага[d] з 1786
Нараджэнне	каля 1760
Смерць	1826 ці 1818
Род	Абуховічы
Бацька	Юзаф Абуховіч
Маці	Францішка з Гюнтэраў[d]
Жонка	Францішка з Жавускіх[d]
Дзеці	Фабіяна з Абуховічаў[d] і Соф’я з Абуховічаў[d]
Член у	Найвышэйшая Літоўская Рада

Біяграфія

Паходзіў з роду Абуховічаў герба ўласнага «Ясеньчык зменены», сын Юзафа Абуховіча^[1], падваяводы новагародскага, і Францішкі Гюнтэр (Günther).

Апошні кашталян менскі ў 1792— 1793 гадах, дэпутат Трыбунала Вялікага Княства Літоўскага у 1786 годзе. Прыхільна сустрэў Канстытуцыю 3 мая 1791 года. У час паўстання 1794 года ўвайшоў у склад Найвышэйшай літоўскай рады як дэлегат ад Случарэцкага павета^[1].

Меў маёнткі Сваятычы, Адахаўшчына, Сноў Новагародскага павета, трымаў у заставе радзівілаўскія маёнткі Аношкі, Тарэйкі, Свержань, Тулёнка, Гарадзея^[1].

Сям’я

Міхал Абуховіч ажаніўся з Каралінай, дачкой Станіслава Фердынанда Жавускага герба «Крыўда» і княжны Кацярыны Караліны Радзівіл (дачка Міхала Казіміра Радзівіла Рыбанькі). Меў з ёй дзвюх дачок, Фабіяну і Соф’ю, якія выйшлі замуж за Караля і Станіслава Гутэн-Чапскіх.

Зноскі

1. ЭнцВКЛ 2005.

Літаратура

• Пазднякоў В. Абуховічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 199. — 688 с. — ISBN 985-11-0314-4 (т. 1), ISBN 985-11-0315-2.
• Żychliński T. Złota księga szlachty polskiej, Poznań, T.1-31, 1879—1908