From Wikipedia, the free encyclopedia
«Ліберальны клуб» — адкрытая дыскусійна-аналітычная пляцоўка Беларусі для экспертаў з рознымі пунктамі гледжання па пытаннях эканомікі, палітыкі, грамадства, культуры. Сярод асноўных мэтаў «Ліберальнага клуба» пастуліруюцца: умацаванне традыцый цывілізаванай прадметнай дыскусіі, вывучэнне і распаўсюджанне ліберальный мадэлі грамадскага развіцця ў беларускіх эканамічных і сацыяльна-палітычных умовах, зніжэнне ўсіх формаў радыкалізму ў грамадстве[1]. Галоўны арганізатар «Ліберальнага клуба» — ГА «Дыскусійна-аналітычная супольнасць „Ліберальны клуб“» (ГА «ДАС „Ліберальны клуб“»).
«Ліберальны клуб» | |
---|---|
Адміністрацыйны цэнтр | Мінск |
Тып арганізацыі | грамадская арганізацыя |
Афіцыйныя мовы | руская, беларуская |
Кіраўнікі | |
Яўген Прэйгерман | |
Заснаванне | |
Дата заснавання | 11 лістапада 2007 |
liberalclub.biz |
«Ліберальны клуб» не выражае думку і пацізыі палітычных партый, дзяржаўных інстытутаў, грамадскіх аб’яднанняў альбо асобных грамадзян. Яго эксперты стараюцца прытрымлівацца неангажаванага, навуковага погляду на эканамічныя, сацыяльныя, палітычныя і культурныя працэсы. Сярод асноўных каштоўнасцей, якія абараняе «Ліберальны клуб», — дэмакратыя, рыначная эканоміка, панаванне права, свабодная канкурэнцыя ідэй і ініцыятыў. «Ліберальны клуб» падтрымлівае канцэпцыю цывілізаванага дыялогу паміж усімі пластамі беларускага грамадства.
«Ліберальны клуб» праводзіць круглыя сталы, дыялогі, арганізуе даследаванні ў галіне эканомікі, грамадскага жыцця, права, культуры.
Дэвіз: «Праз аргументы і спрэчку — да ісціны».
Узнік у лістападзе 2007 г. як нефармальная пляцоўка для маладых інтэлектуалаў. 7 студзеня 2009 быў афіцыйна зарэгістраваны як грамадская арганізацыя.
Даныя ў гэтым артыкуле прыведзены станам на 2014 год. |
Галоўны орган пляцоўкі, які адзначае агульныя кірункі развіцця арганізацыі. Савет разглядае кандыдатуры на замяшчэнне вакансій і на членства ў «Ліберальным клубе».
Забяспечвае штодзённую працу «Ліберальнага клуба». Пры ўзнікненні вакансій папаўняецца новымі супрацоўнікамі. Іх адбор ажыццяўляецца на конкурснай аснове.
У гэтую групу можа ўвайсці любы чалавек, які падзяляе каштоўнасці арганізацыі і гатовы прымаць актыўны ўдзел у яе працы. Каб зрабіцца членам «Ліберальнага клуба», трэба падаць заяву і заплаціць членскі ўзнос. Заявы кандыдатаў разглядае Савет.
Структурнае падраздзяленне ГА «Дыскусійна-аналітычная супольнасць „Ліберальны клуб“». Быў створаны ў 2011 г. з мэтай правядзення аналітычнай працы ў межах тэматычных прыярытэтаў пляцоўкі.
Асноўны інтэлектуальны прадукт, які вырабляецца ЦАД, — аналітычныя і памятныя запіскі, маніторынгі беларускіх і замежных СМІ, інфармацыйна-аналітычныя даклады, дыскусійныя матэрыялы, а таксама аўдыя- і відэападкасты.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.