Ландгаўз (Грац)

Ландгаўз (ням.: Landhaus) — будынак у Грацы, размешчаны ва Унутраным горадзе  (ням.) за гарадской ратушай. Помнік архітэктуры рэнесансу. Пабудаваны ў сярэдзіне XVI стагоддзя па праекце італьянскага архітэктара Даменіка дэль Аліа  (ням.).

Славутасць
Ландгаўз
Landhaus
Фасад Лангаўза па Герэнгасэ
47°04′11″ пн. ш. 15°26′21″ у. д.HGЯO
Краіна	Аўстрыя
Горад	Грац
Архітэктурны стыль	рэнесансная архітэктура
Архітэктар	Даменіка дэль Аліа
Дата пабудовы	XVI стагоддзе
Медыяфайлы на Вікісховішчы

У паняцця ёсць і іншыя значэнні, гл. Ландгаўз.

Архітэктура

План ландгаўза

Фасад Ландгаўза, які нагадвае па сваім стылі афармлення фларэнційскія палацца, выходзіць на вуліцу Герэнгасэ  (ням.) (ням.: Herrengasse), якая пачынаецца ад паўднёва-ўсходняга боку Галоўнай плошчы.

Ландгаўз уяўляе сабой архітэктурны комплекс з некалькіх пабудоў рознага часу, Даменіка дэль Аліа спраектаваў толькі яго самы знакаміты Галоўны корпус (ням.: Haupttrakt), да якога з захаду з боку вуліцы Шмідгасэ (ням.: Schmiedgasse) прылягае больш ранні корпус пачатку XVI стагоддзя з двума малымі ўнутранымі дварамі. Малы корпус носіць назву Корпус Рыцарскай залы (ням.: Rittersaaltrakt). Тут у Рыцарскай зале на другім паверсе дагэтуль праходзяць пасяджэнні Ландтага Штырыі  (ням.). Першапачаткова сцены залы ўпрыгожвалі роспісы з гербамі, на змену якім у XVIII стагоддзі прыйшла дэкарацыя стука з выявамі знакаў задыяку. З паўночнага боку праз пераходнае крыло сярэдзіны XVII стагоддзя да Галоўнага корпуса Ландгаўза прылягае Арсенал.

Аркады ўнутранага двара Ландгаўза

Вялікі ўнутраны двор Ландгаўза аформлены з поўначы, усходу і поўдні трохпавярховымі аркадамі. Прычым аркада, якая замыкае двор з паўднёвага боку мае скразныя аркі. Аркі ва ўсіх трох паверхах упрыгожаны аднолькава — простымі пілястрамі тасканскага ордара, таму двор успрымаецца як адзінае цэлае і пры гэтым выглядае стрымана і ўрачыста.

Студня

Унутраны двор Ландгаўза з капэлай

Каля заходняй сцяны, адзінай не ўпрыгожанай аркадамі, размешчана каменная студня 1590 года, пад ажурным бронзавым купала, сплеценага з мудрагелістых перапляценняў лісця, у якім жывуць маленькія пуці і русалкі. У паўночна-заходнім вугле двара размешчана капэла, якая нагадвае па сваім знешнім выглядам невялікую вежку пад купалам. Яе стварылі ў 1630 годзе з пераробленай лесвічнай вежы і асвяцілі ў гонар Унебаўзяцця Дзевы Марыі. У Вялікім унутраным двары часта праходзяць розныя прыёмы, канцэрты і нават паказы фільмаў пад голым небам.

Спасылкі

• На Вікісховішчы ёсць медыяфайлы па тэме Ландгаўз (Грац)
• Ландгаўз (Landhaus)