Карнеліс Карнеліс ван Харлем (нідэрл. Cornelis Cornelissen, Cornelis Cornelisz), (1562, Харлем — 11 лістапада 1638, Харлем) — галандскі жывапісец, малявальшчык і архітэктар. Нараўне з Карэлам ван Мандэрам і Хендрыкам Гольцыусам адзін з вядучых мастакоў нідэрландскага маньерызму харлемскай школы, часцей званы Карнелісам Харлемскім (нідэрл. Cornelis van Haarlem).
| Карнеліс Карнеліс ван Харлем | |
|---|---|
 | |
| Дата нараджэння | 1562[1][2] |
| Месца нараджэння | |
| Дата смерці | 11 лістапада 1638[3][4][…] |
| Месца смерці | |
| Месца пахавання | |
| Грамадзянства | |
| Род дзейнасці | мастак, архітэктар, дзеяч выяўленчага мастацтва |
| Жанр | партрэт |
| Мастацкі кірунак | маньерызм |
| Уплыў | Gillis Coignet[d] і Pieter Pietersz the Elder[d] |
| Член у | |
 Медыяфайлы на Вікісховішчы | |
Біяграфія
Карнеліс нарадзіўся ў Харлеме ў сям'і Карнеліса Томаса. Яго бацькі ў 1568 годзе ўцяклі з горада, калі іспанскае войска аблажыла горад у 1573 годзе падчас Васьмідзесяцігадовай вайны семнаццаці нідэрландскіх правінцый за незалежнасць ад Іспаніі (1568—1648). Шасцігадовага хлопчыка аддалі на выхаванне жывапісцу Пітэру Пітэрсу Старэйшаму. Затым, у 1579—1580 гадах, Карнеліс быў у Францыі, спрабаваў прайсці навучанне ў Руане, выпрабаваў уплыў мастакоў французскага Рэнесансу школы Фантэнбло, але вымушаны быў з'ехаць і, паводле «Кнігі пра мастакоў» К. ван Мандэра, у 1581 годзе паступіў у навучанне у майстэрню Жыля Куанье ў Антверпене.
У 1583 годзе Карнеліс вярнуўся ў Харлем, дзе ён заставаўся да канца свайго жыцця. Ён стаў паважаным членам абшчыны і ў тым жа годзе атрымаў сваю першую афіцыйную замову ад горада на групавы партрэт «Банкет Харлемскай грамадзянскай гвардыі». Ён стаў гарадскім мастаком Харлема і атрымліваў шматлікія афіцыйныя замовы. Як партрэтыст Карнеліс ван Харлем аказаў вялікі ўплыў на творчасць Франса Халса. Каля 1600 года ён ажаніўся з Марытген Дэйман, дачкой мэра Харлема. У 1605 годзе атрымаў у спадчыну трэць стану свайго багатага цесця. Памёр Карнеліс ван Харлем у родным горадзе ў 1638 годзе, ва ўзросце 76 гадоў.
Зноскі
- RKDartists Праверана 20 кастрычніка 2017.
- https://www.museabrugge.be/collection/work/id/0000_GRO4022_III Праверана 29 красавіка 2024.
- Cornelis Cornelisz — 2009.
- Cornelis Cornelisz. — OUP, 2006. — ISBN 978-0-19-977378-7
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
