Бярэзінскія выступленні працоўных (1905)
From Wikipedia, the free encyclopedia
Першае палітычнае выступленне рабочая арганізацыяцыя мяст. Беразіно Ігуменскага павета падрыхтавала да гадавіны забойства нарадавольцамі Аляксандра II. 28.2 (13.3).1905 яна выдала гектаграфаваную адозву з заклікам да аднадзённай забастоўкі. 1(14) сакавіка забаставалі чаляднікі кравецкіх, шавецкіх і панчошных майстэрняў. Каля 70 стачачнікаў накіраваліся на вяровачны завод Б. Старобінца і дамагліся спынення работы. Затым з удзелам сялян адбыўся сход у лесе (250 чал.) і маніфестацыі ва ўрочышчы Пятроў Вугал і ў в. Трасцянка. Вярнуўшыся ў мястэчка, маніфестанты арганізавалі мітынг. На наступны дзень рабочая арганізацыя выдала лістоўку, прысвечаную гэтым падзеям. Мінскі губернатар накіраваў у Беразіно паўэскадрона драгунаў. 1 (14) мая і 6 (19) чэрвеня антыўрадавыя вулічныя дэманстрацыі паўтарыліся. 30.6 (13.7).1905 у Беразіно ў знак салідарнасці з рабочымі Адэ-сы, Іванава-Вазнясенска, Лодзі аб'яўлена агульная аднадзённая забастоўка. Баставалі ўсе рабочыя, рамеснікі, работнікі гандлю, распаўсюджваліся пракламацыі з тлумачэннем падзей у названых гарадах. У лесе адбылася сходка. Вечарам у мястэчку праведзена дэманстрацыя (500 чал.) з чырвоным і чорным сцягамі, рэвалюцыйнымі песнямі і заклікамі «Далоў самадзяржаўе!», «Далоў урад!», «Далоў вайну!», «Няхай жыве сацыял-дэмакратычная партыя!». Перад будынкам пошты і кватэрай станавога прыстава дэманстранты спыняліся і наладжвалі мітынг. У пачатку ліпеня 1905 з эканамічнымі патрабаваннямі баставалі кухаркі і 50 грузчыкаў, некаторыя з іх былі арыштаваны. 23— 25.7 (5— .8) .1905 у Беразіно адбыліся мітынгі і дэманстрацыі. 28 ліпеня (10 жніўня працоўныя мястэчка ў гонар паўгадавіны рэвалюцыі правялі 2 мітынгі і вулічную дэманстрацыю з удзелам 1 тыс. чалавек. На мітынгах 30 ліпеня (12 жніўня), 10(23) і 12(25) жніўня яны падтрымалі рэваляцыйна-дэмакратычны заклік да байкоту Булыгінскай думы. Рабочыя і рамеснікі Беразіно ў ліку першых на Беларус ўключыліся ва Усерасійскую Кастрычнінскую палітычную стачку. 9 (22) кастрычніка ў мястэчку адбыліся 2 вулічныя дэманстрацыі і маніфестацыі, 22 кастрычніка (4 лістапада) каля 2 тыс. жыхароў мястэчка прынялі ўдзел у дэманстрацыі пратэсту супраць рэпрэсій царызму і чарнасоценных пагромаў, курлоўскага расстрэлу 1905 у Мінску. Яны пайшлі па вуліцах з чырвонымі і чорным сцягамі, рэвалюцыйнымі песнямі і воклічамі. Вулічныя мітынгі і дэманстрацыі адбываліся, як правіла, пад аховай узброенных дружыннікаў. Кастрычніцкія выступленні завяршылі паласу ўздыму рэвалюцыйнага руху ў Беразіно.
Артыкул або раздзел вымагае перапрацоўкі Удзельнік, які паставіў шаблон, не пакінуў тлумачэнняў. |
[крыніца?]