![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/ca/Afroasiatic_languages-en.svg/langbe-640px-Afroasiatic_languages-en.svg.png&w=640&q=50)
Афразійскія мовы
From Wikipedia, the free encyclopedia
Афразійскія мовы (у заходняй літаратуры афраазіяцкія, састар. семіта-хаміцкая) — макрасям'я моў, распаўсюджаных у паўночнай частцы Афрыкі ад Атлантычнага ўзбярэжжа і Канарскіх астравоў да ўзбярэжжа Чырвонага мора, а таксама ў Заходняй Азіі і на востраве Мальта. Групы носьбітаў на афразійскіх мовах (галоўным чынам на розных дыялектах арабскай мовы) ёсць у многіх краінах за межамі асноўнага арэала. Агульная колькасць носьбітаў каля 253 млн. чал.
Афразійская | |
---|---|
![]() | |
Таксон | макрасям'я |
Арэал | Пярэдняя Азія, Усходняя і Паўночная Афрыка |
Колькасць носьбітаў | 270—300 млн |
Класіфікацыя | |
Катэгорыя | Мовы Еўразіі, Мовы Афрыкі |
Настратычныя мовы (гіпотэза)
|
|
Склад | |
бербера-лівійскія, егіпецкая мова, кушыцкія, амоцкія, семіцкія, чадскія | |
Час падзелу | X—VIII тыс. да н.э. |
Коды моўнай групы | |
ДАСТ 7.75–97 | афз 069 |
ISO 639-2 | afa |
ISO 639-5 | afa |
Уключае 5 (або шэсць) сем'яў моў, якія маюць прыкметы агульнага паходжання - наяўнасць роднасных каранёвых і граматычных марфем). Часам уключаецца ў больш агульнае ўтварэнне - настратычную макрасям'ю моў, якая аб'ядноўвае індаеўрапейскую, алтайскія, уральскія, паўночнакаўказскія і алтайскія сем'і. Аднак у апошні час афразійская макрасям'я выключаецца з настратычнай і разглядаецца разам з апошняй як асобная і самастойная, але бліжэйша роднасная настратычнай.