Фламэнгу Рыю-дэ-Жанэйру

«Фламэ́нгу» (па-партугальску: Clube de Regatas do Flamengo) — бразыльскі футбольны клюб з гораду Рыю-дэ-Жанэйру. Быў заснаваны ў 1895 годзе як вясьлярскі клюб і згуляў свой першы афіцыйны матч у 1912 годзе. Традыцыйнымі для «Фламэнгу» ёсьць чырвона-чорныя паласатыя кашулі зь белымі шортамі, а таксама чырвона-чорныя паласатыя шкарпэткі. Свае хатнія матчы «Фламэнгу», як правіла, праводзіць на стадыёне Маракана, які таксама зьяўляецца нацыянальным стадыёнам зборнай Бразыліі. «Фламэнгу» зарэкамэндаваў сябе як адзін з самых пасьпяховых спартовых клюбаў Бразыліі ў XX стагодзьдзі, атрымаўшы шэраг перамог у Лізе Карыёка, галоўным спаборніцтве штату Рыю-дэ-Жанэйру. Пасьля стварэньня чэмпіянату Бразыліі ў 1959 годзе «Фламэнгу» працягваў пасьпяховыя выступы, ня толькі на ўзроўні штату, але і на нацыянальным узроўні. У 1981 і 2019 гадох клюб станавіўся ўладальнікам Кубку Лібэртадорэс, галоўным клюбым першынстве Паўднёвай Амэрыцы. У 1981 годзе «Фламэнгу» стаў уладальнікам Міжкантынэнтальнага кубку, калі з буйным лікам атрымаў перамогу над ангельскім «Лівэрпулам» зь лікам 3:0. Галоўную ролю ў той перамозе згуляў легендарны гулец клюбу Зыку. Прынцыповымі супернікамі клюбу ёсьць іншыя клюбы з Рыю-дэ-Жанэйру, як то «Флумінэнсі», «Батафогу» і «Вашку да Гама».

Фламэнгу
Поўная назва	Clube de Regatas do Flamengo
Заснаваны	1895
Горад	Рыю-дэ-Жанэйру, Бразылія
Стадыён	Маракана Умяшчальнасьць: 78 838
Прэзыдэнт	Радолфу Ландым[d][1]
Галоўны трэнэр	Тытэ[d]
Чэмпіянат	Сэрыя A
· 2023	4 месца
Галерэя здымкаў у Вікісховішчы flamengo.com.br (парт.)​ (анг.)

«Фламэнгу» ёсьць самым папулярным клюбам у Бразыліі, які налічвае больш за 30 мільёнаў прыхільнікаў на 2018 год^[2]. Па стане на 2017 год «Фламэнгу» быў самым заможным футбольным клюбам Бразыліі з гадавым прыбыткам у 163,04 млн эўра^[3], а ацэначны кошт клюбу складаў больш за 425,21 млн эўра^[4].

Дасягненьні

• Чэмпіён Бразыліі: 7

1980, 1982, 1983, 1992, 2009, 2019, 2020

• Кубак Бразыліі: 4

1990, 2006, 2013, 2022

• Супэркубак Бразыліі: 2

2020, 2021

• Чэмпіён штату Рыю-дэ-Жанэйру: 38

1914, 1915, 1920, 1921, 1925, 1927, 1939, 1942, 1943, 1944,

1953, 1954, 1955, 1963, 1965, 1972, 1974, 1978, 1979 (адмысловы), 1979,

1981, 1986, 1991, 1996, 1999, 2000, 2001, 2004, 2007, 2008,

2009, 2011, 2014, 2017, 2019, 2020, 2021, 2024

• Турнір Рыю-Сан-Паўлу: 1

1961

• Кубак Лібэртадорэс: 2

1981, 2019

• Міжкантынэнтальны кубак: 1

1981

• Рэкопа Паўднёвай Амэрыкі: 1

2020

• Кубак Мэркасур: 1

1999

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Агустын Росі 1995 2 Аб Гільерма Варэля 1993 3 Аб Леў Ортыс 1996 4 Аб Леў Пэрэйра 1996 5 ПА Эрык Пульгар 1994 6 Аб Айртан Лукас 1997 7 Нап Луіс Араужу 1996 8 ПА Жэрсан (капітан) 1997 9 Нап Пэдру 1997 11 Нап Эвэртан Саарэс 1996 14 ПА Джорджыян Дэ Араскаэта 1994 15 Аб Фабрысію Бруну 1996 17 Аб Матыяс Віньня 1997 18 ПА Нікаляс дэ ля Крус 1997 19 ПА Лоран 2006

№ Пазыцыя Імя Год нараджэньня 20 Нап Матэўс Гансалвэс 2005 21 ПА Алан Радрыгес 1997 22 Нап Карліньюс 1997 23 Аб Давід Луіс 1987 25 Бр Матэўс Куньня 2001 26 Аб Алекс Сандру 1991 27 Нап Бруну Энрыке 1990 30 Нап Мікаэл 1996 33 Аб Клейтан 2003 37 ПА Карляс Алькарас 2002 43 Аб Вэсьлі Франса 2003 45 Нап Гансалё Плята 2000 52 ПА Эвэртан Араужу 2003 99 Нап Габрыел Барбоса 1996

Крыніцы

1. Rodolfo Landim é empossado presidente do Flamengo
2. «Flamengo e Corinthians seguem na liderança de torcidas». Opinião Pública Datafolha.
3. «Flamengo é o time que mais fatura no Brasil». Exame.
4. «Estudo coloca o Flamengo como a marca mais valiosa do futebol brasileiro em 201». Globo Esporte.

Вонкавыя спасылкі

• Афіцыйны сайт