Дэсантна-штурмавыя войскі Рэспублікі Казахстану

Дэсантна-штурмавыя войскі (ДШВ) Рэспублікі Казахстану (па-казаску: Десанттық-шабуылдау әскерлері) — высокамабільны род войскаў Узброеных сілаў Рэспублікі Казахстану, што ўваходзяць у склад Сухапутных войскаў Рэспублікі Казахстану. Ёсьць пераемнікам ПДВ СССР у Казахстане. Асноўныя заданьні: забесьпячэньне стратэґічнага разгортваньня войскаў, барацьба з дэсантна-дывэрсійнымі сіламі й бандфармаваньнямі, захоп ды ўтрыманьне важных раёнаў, правядзеньне аэрамабільных рэйдаў у ворагавым тыле. Да 2003 року мелі назву Мабільныя войскі (па-казаску: Жедел әскерлері), з 2003 да 2016 року мелі назву Аэрамабільныя войскі (па-казаску: Аэроұтқыр әскерлері)^[1].

Дэсантна-штурмавыя войскі
Шэўрон ДШВ РК
Гады існаваньня	з 2000
Краіна	Казахстан
Падпарадкаваньне	Ґенэральны штаб Узброеных сілаў Казахстану
Уваходзіць у	Сухапутныя войскі Рэспублікі Казахстану
Тып	Паветрана-дэсантныя войскі
Дысьлякацыя	Казахстан
Дэвіз	«Біз басқа ешкім!»
Колеры	блакітны
Войны	Грамадзянская вайна ў Таджыкістане Уварваньне кааліцыйных сілаў у Ірак (2003)
Дзейны камандзір	ґенэрал-маёр Кайдар Каракулаў (з 18 красавіка 2018 року)

Дактрына ўжываньня

Асноўнымі заданьнямі ДШВ вызначаныя:^[1]

• нарошчваньне намаганьняў войскаў, дысьлякаваных у непасрэднай блізкасьці ад мяжы й войскаў прыкрыцьця;
• забесьпячэньне стратэґічнага (апэратыўнага) разгортваньня войскаў;
• барацьба з дэсантна-дывэрсійнымі сіламі й бандфармаваньнямі;
• правядзеньне аэрамабільных рэйдаў у тыле суперніка;
• вывад з ладу цэнтраў апэратыўнае ўстойлівасьці суперніка;
• захоп ды ўтрыманьне важных раёнаў, рубяжоў і аб’ектаў інфраструктуры;
• лякалізацыя збройнага канфлікту ды разьяднаньне варагуючых бакоў;
• ўдзел у раззбраеньні й ліквідацыі пазапраўных узброеных фармаваньняў;
• аказаньне дапамогі сяброўскім дзяржавам згодна з двухбаковымі дамовамі;
• удзел у правядзеньні міратворчых мерапрыемстваў.

Гісторыя

Пасьля абвяшчэньня сувэрэнітэту Казахстану на тэрыторыі дзяржавы месьцілася выведзеная з складу 105-е ґвардзейскае паветрана-дэсантнае дывізіі 35-я асобная ґвардзейская паветрана-дэсантная брыґада, якая, паводле міжнародных пагадненьняў у Алмаце 7 траўня 1992 року, адыйшла да Ўзброеных сілаў Рэспублікі Казахстану^[2][3].

6 ліпеня 2000 року прэзыдэнтам Казахстану на ґрунце 35-е ґвардзейскае дэсантна-штурмавое брыґады былі створаныя Мабільныя сілы Ўзброеных сілаў Рэспублікі Казахстану.

У пэрыяд з 2000 да 2003 року былі створаныя 36-я, 37-я ды 38-я (КазБрыґ) дэсантна-штурмавыя брыґады. Пазьней да складу Аэрамабільных сілаў былі ўведзеныя 9-я мэханізаваная брыґада, 43-я танкавая брыґада, 44-я артылерыйская брыґада, асобны міратворчы батальён «КазБат», асобная брыґада сувязі, асобны выведвальны полк ды асобны батальён РХБА.

2003 року было падпісанае распараджэньне пра прысваенне мабільным войскам УС Казахстану назвы «Аэрамабільныя войскі».

З жніўня 2003 па лістапад 2008 року інжынэрна-сапёрны падразьдзел у складзе Міжнародных кааліцыйных сілаў у Іраку выконваў міратворчуў місію. Паводле рашэньня ААН у сьпіс заданьняў падразьдзелу ўваходзілі пошук ды зьнішчэньне боепрыпасаў, што ня выбухнулі, абсталяваньне пунктаў палявога водазабесьпячэньня, ачыстка вады й наданьне мэдычнае дапамогі. Падчас выкананьня міратворчае місіі адзін афіцэр загінуў ды яшчэ некалькі міратворцаў былі параненыя. Агулам у складзе інжынэрна-сапёрнага падразьдзела пабывала 290 казахстанскіх вайскоўцаў.^[4][5][6]

2016 року Кіраўніцтва Аэрамабільных войскаў паведаміла пра зацьвярджэньне новае назвы — Дэсантна-штурмавыя войскі^[7].

Склад

Дэсантна-штурмавыя войскі ўлучаюць:

• 35-ю асобную ґвардзейскую мабільную брыґаду (Капшагай)
• 36-ю асобную мабільную брыґаду (Астана)
• 37-ю асобную мабільную брыґаду (Талдыкарган)
• 38-ю асобную мабільную брыґаду (Алматы)
• 9-ю мэханізаваную брыґаду (Жаркент)
• 43-ю танкавую брыґаду (Сарыазэк)
• 44-ю артылерыйскую брыґаду (Сарыазэк)
• асобны міратворчы батальён «КазБат» (Капшагай)
• асобную брыґаду сувязі (вёска Бурундай)
• асобны выведвальны полк (Талдыкарган)
• асобны батальён РХБА (Капшагай)

Структура

Дэсантнікі 35-е адшбр

Арґанізацыйна кожная асобная мабільная брыґада ўключае:

1. Кіраваньне брыґады

• штаб; службы.

2. Баявыя вайсковыя часткі й падразьдзелы

• 3 асобныя дэсантна-штурмавыя батальёны
• гаўбічны артылерыйскі дывізіён (122-мм гаубіца Д-30)
• рэактыўная артылерыйская батарэя на (БМ-21)
• зэнітна-ракетная батарэя
• супрацьтанкавая батарэя (Фагот (ПТУР))
• рота цяжкіх кулямётаў (НСВ-12,7)
• выведвальная рота

3. Падразьдзелы баявога забесьпячэньня й сувязі

• рота сувязі
• выведвальная рота

4. Падразьдзелы тылавога й тэхнічнага забесьпячэньня

• інжынэрна-сапёрная рота
• рота хімічнае абароны
• рота матэрыяльнага забесьпячэньня
• мэдычная рота
• рота дэсантнага забесьпячэньня

5. Тылавыя падразьдзелы

• камэнданцкі зьвяз
• аркестар

Традыцыі

Прафэсійнае сьвята

Ваяры 35-е адшбр праходзяць урачыстым маршам

З 2016 року Дэсантна-штурмавыя войскі адзначаюць сваё прафэсійнае сьвята 6 ліпеня, калі ў 2000 годзе былі створаныя Мабільныя войскі Рэспублікі Казахстану.^[8]. У папярэднія рокі, у 2000—2016, Дзень аэрамабільных дэсантных войскаў адзначаўся шторок 2 жніўня.

Глядзіце таксама

• Узброеныя сілы Рэспублікі Казахстану
• Паветрана-дэсантныя войскі
• Паветрана-дэсантныя фармаваньні краінаў сьвету
• Паветрана-дэсантныя падрыхтоўка

Крыніцы

1. Структура(недаступная спасылка)
2. Невядомая дывізія. 105-я ґвардзейская паветрана-дэсантная Чырванасьцяжная дывізія (горна-пустэльная).
3. Пра прачыны расфармаваньня 105-е ґвардзейскае паветрана-дэсантнае Венскае Чырванасьцяжнае дывізіі
4. Вяртаньне. Казахстанскія міратворцы зьвярнуліся з Іраку. http://www.liter.kz, кастрычнік 2008 р.
5. Ірак кажа: «Дзякуй!» Айбын, 8 студзеня 2008 р.
6. Ваяры-міратворцы з Казахстану. Радыё Азаттык, 2 сьнежня 2015 р.
7. Аляксандар Міроглаў Блакітным бярэтам у казахстанскай арміі зьвярнулі даўгачаканае імя «десант»
8. 2 жніўня – ужо ня Дзень дэсантнікаў

Вонкавыя спасылкі

• Міністэрства абароны Рэспублікі Казахстану.
• Гісторыя стварэньня Аэрамабільных войскаў Рэспублікі Казахстану. — Десантура.ру - пра дэсант безь мяжы Праверана 2013-01-11 г. Архіўная копія ад 2013-01-20 г.