опэрны тэатар у Варшаве (Польшча) From Wikipedia, the free encyclopedia
Вялі́кі тэа́тар (па-польску: Teatr Wielki w Warszawie) — нацыянальная тэатральна-опэрны комплекс, разьмешчаны на гістарычнай Тэатральнай плошчы ў цэнтральнай Варшаве ў Польшчы. У Вялікім тэатры базуецца Польскі нацыянальны балет і зьяўляецца адной з найбуйнейшых тэатральных пляцовак у сьвеце, колькасьць месцаў у якой перавышае 2 тысячы[1].
Вялікі тэатар Варшавы | |
Будынак тэатру | |
Дата ўтварэньня | 24 лютага 1833 (191 год таму) |
---|---|
Тып | Тэатар |
Юрыдычны статус | дзяржаўная ўстанова |
Месцазнаходжаньне | Варшава, Тэатральная плошча, 1 |
Каардынаты | 52.243° пн. ш. 21.011° у. д. |
Сайт | teatrwielki.pl |
Тэатар быў урачыста адкрыты 24 лютага 1833 году пастаноўкай «Сэвільскі цырульнік» аўтарства Джаакіна Расіні. Акрамя таго, пад кіраўніцтвам Станіслава Манюшкі побач быў пабудаваны драўляны Летні тэатар на 1065 месцаў у Саксонскім садзе. Летнія спэктаклі даваліся штогод з рэпэртуараў Вялікага і Эстраднага тэатраў. Юзэф Шчублеўскі піша, што нават у той час, не зважаючы на тое, што Польшча не існавала як краіна і была падзеленая паміж суседзямі, тэатар квітнеў, бо балет выклікаў захапленьне замежных наведвальнікаў. У тэатры былі прадстаўлены опэры Ўладзіслава Жаленскага, Ігнацы Яна Падэрэўскага, Караля Шыманоўскага і іншых польскіх кампазытараў, а таксама балетныя пастаноўкі, выкананыя харэографамі Раманам Турчыновічам, Пётрам Зайлічам і Фэлікс Парнэлем. У той жа час у рэпэртуары былі асноўныя сусьветныя клясычныя творы опэры і балету ў выкананьні найбольш вядомых польскіх і замежных сьпевакоў і танцораў.
Пасьля бамбаваньня і амаль поўнага зьнішчэньня будынку ў Другую сусьветную вайну ён быў адноўлены і зноў адкрыты 19 лістапада 1965 году пасьля пэрыяду пуставаньня на працягу больш за дваццаці гадоў. Арыгінальны будынак быў спраектаваны ў нэаклясычным стылі архітэктарамі Антоніё Караццы і Крыстыянам Пётрам Айгнэрам, а пасьля адноўлены Багданам Пнеўскім. Тэатар мае дзьве залы — вялікую на 1841 месца і малую — на 200 месцаў, у якой таксама праходзяць прадстаўленьні. У залях тэатру ставяць опэры, балеты, праходзяць канцэрты ды іншыя ўрачыстасьці.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.