Тэатар

Тэа́тар (стар.-грэц. θέατρον — асноўнае значэньне — «месца для відовішчаў», затым — «відовішча», ад θεάομαι — «гляджу, бачу») — адзін з кірункаў мастацтва, у якім пачуцьці, думкі і эмоцыі аўтара (творцы, мастака) перадаюцца гледачу або групе гледачоў пасродкам дзеяньняў актора або групы актораў.

Вадэвіль «Сапраўдная гісторыя Паручыка Ржэўскага» Уладзімера Баскіна ў Менскім музычным тэатры

Тэатар

Паняцьце тэатру

Перадача акторам пачуцьцяў, думак, эмоцыяў аўтара гледачу завецца прадстаўленьнем. Як правіла, акторы ўяўляюць пачуцьцёвыя перажываньні аўтара, выкладзеныя ім у п’есе. Актор падчас прадстаўленьня можа дзейнічаць пасродкам свайго цела, голасу й рухаў, а таксама пасродкам розных прадметаў.

Разнавіднасьці тэатру

Па відах дзеяньняў актора падчас імпрэзы адрозьніваюць наступныя віды тэатраў:

• драматычны (драма)
• опэрны тэатар
• мюзыкл
• балет
• пантаміма
• апэрэта
• дзіцячы
• лялечны
• тэатар абсурду
• тэатар пародыі
• вулічны тэатар
• тэатар паэзіі
• тэатар танца
• тэатар ценяў
• тэатар зьвяроў
• тэатар песьні
• тэатар эстраднай мініятуры (тэатар эстрады)
• тэатар аднаго актора

Сусьветны тэатар

Тэатар Беларусі

На 2010 год у Беларусі толькі каля 30% спэктакляў ставілася па-беларуску^[1]. Дзель беларускай драматургіі ў рэпэртуарах тэатраў ледзь дасягала 25%^[2].

Тэатральныя фэстывалі

• Фэстываль у Гластанбэры
• Авіньёнскі фэстываль
• Эдынбурскі фэстываль тэатру і музыкі

Крыніцы

1. Ларыса Цімошык. Сіла слова // Зьвязда : газэта. — 26 студзеня 2010. — № 13 (26621). — С. 7. — ISSN 1990-763x.
2. Глеб Лабадзенка. Павал Латушка: На фільм «Дняпроўскі рубеж» патрачана Br6 мільярдаў, вернута — 100 мільёнаў // Зьвязда : газэта. — 28 студзеня 2010. — № 15 (26623). — С. 7. — ISSN 1990-763x.

Вонкавыя спасылкі

• Вікіпэдыя мае партал «Мастацтва»

• Экспериментальный театр «EYE» (рас.)