Уладзіслаў Стасяк

Уладзіслаў Аўгустын Стасяк (польск. Władysław Augustyn Stasiak; 15 сакавіка 1966 году ва Ўроцлаве — 10 красавіка 2010 году пад Смаленскам) — польскі дзяржаўны дзеяч.

Уладзіслаў Стасяк
польск. Władysław Stasiak
Уладзіслаў Стасяк
Кіраўнік Канцылярыі прэзыдэнта
27 ліпеня 2009 — 10 красавіка 2010
Прэзыдэнт:	Лех Качынскі
Прэм’ер-міністар:	Дональд Туск
Папярэднік:	Пётр Коўнацкі
Міністар унутраных справаў і адміністрацыі
8 жніўня 2007 — 16 лістапада 2007
Прэзыдэнт:	Лех Качынскі
Папярэднік:	Януш Качмарэк
Наступнік:	Гжэгаж Схятына
Асабістыя зьвесткі
Нарадзіўся:	15 сакавіка 1966 Уроцлаў, Польшча
Памёр:	10 красавіка 2010 (44 гады) пад Смаленскам, Расея
Партыя:	Права і справядлівасьць
Адукацыя:	Уроцлаўскі ўнівэрсытэт
Узнагароды:	Крыж камандорскі з зоркай ордэна Адраджэньня Польшчы
Уладзіслаў Стасяк у Вікісховішчы

Біяграфія

Скончыў гістарычны факультэт Уроцлаўскага ўнівэрсытэту (1989) і Нацыянальнаю школу грамадзкай адміністрацыі (1993). У 1993—2002 гадох працаваў у Вярхоўнай кантрольнай палаце. У 2002—2005 гадох быў намесьнікам мэра Варшавы Леха Качынскага. У 2005—2006 гадох быў намесьнікам міністра ўнутраных справаў і адміністрацыі. У 2006—2007 гадох быў кіраўніком Бюро нацыянальнай бясьпекі. У 2007 годзе заняў пасаду міністра ўнутраных справаў і адміністрацыі ўва ўрадзе Яраслава Качынскага. У 2007—2009 гадох зноў займаў пасаду кіраўніка Бюро нацыянальнай бясьпекі. У 2009 годзе быў прызначаны намесьнікам кіраўніка Канцылярыі (адміністрацыі) прэзыдэнта й пасьля — яе кіраўніком.

Лічыўся адным з найбольш кампэтэнтных урадоўцаў у ахове правапарадку. Ведаў некалькі замежных моваў. Зьбіраўся балятавацца на пасаду мэра Варшавы.^[1]

Загінуў 10 красавіка 2010 году ў авіякатастрофе пад Смаленскам.

16 красавіка 2010 году пасьмертна ўзнагароджаны Крыжам камандорскім з зоркай ордэна Адраджэньня Польшчы^[2].

Пахаваны ў Варшаве.

Крыніцы

1. Яны загінулі пад Катыньню // Радыё Свабода, 12 красавіка 2010
2. Komunikat Nr 163/VI kad.  (пол.)

Вонкавыя спасылкі

Уладзіслаў Стасяк — сховішча мультымэдыйных матэрыялаў