Жак Дэрыда

Жак Дэрыда (па-француску: Jacques Derrida; 15 ліпеня 1930 — 8 кастрычніка 2004) — францускі філёзаф габрэйскага паходжаньня, які нарадзіўся ў Альжыры. Дэрыда найбольш вядомы як распрацоўшчык канцэпцыі дэканструкцыі. Дэрыда тлумачыць у сваім «Лісьце да японскага сябра», што францускае слова «deconstruction» сталася спробай перакласьці і перахапіць тэрміны Гайдэґера «Destruktion» ды «Abbau». Работы Дэрыды таксама аказалі ўплыў на літаратурную тэорыю, хаця ягоная тэорыя дэканструкцыі была прынятая далёка ня ўсімі крытыкамі. Дэрыда таксама дасьледваў праблемы фэномэналёгіі, постструктуралізму і іншыя адгалінаваньні сучаснай філязофскай навукі.

Жак Дэрыда
па-француску: Jacques Derrida
Дата нараджэньня	15 ліпеня 1930(1930-07-15)[1][2][3][…]
Месца нараджэньня	El Biar[d], Bouzaréah District[d], Альжыр, Французскі Алжыр[d], Францыя[2]
Дата сьмерці	8 кастрычніка 2004(2004-10-08)[4] (74 гады) або 9 кастрычніка 2004(2004-10-09)[5] (74 гады)
Месца сьмерці	V акруга Парыжа[d], Парыж, Францыя[5]
Прычына сьмерці	рак падстраўнікавай залозы[d]
Месца пахаваньня	Cemetery of Ris-Orangis[d]
Месца вучобы	Вышэйшая нармальная школа[d] Гарвардзкі ўнівэрсытэт Унівэрсытэт Пантэон-Сарбона[d] (1980)[6] Факультэт мастацтваў Парыжу[d] Ліцэй Людовіка Вялікага[d]
Занятак	філёзаф, літаратурны крытык, прафэсар унівэрсытэту, пісьменьнік
Навуковая сфэра	філязофія мовы[d]
Месца працы	Вышэйшая школа сацыяльных навук[d][7] Еўрапейская вышэйшая школа[d] Каліфарнійскі ўнівэрсытэт у Ірвайне[d]
Сябра ў	Амэрыканская акадэмія мастацтваў і навук[d]
Навуковы кіраўнік	Jean-Toussaint Desanti[d]
Вучні	Paul B. Preciado[d] і Бернар-Анры Леві[d]
Дзеці	Daniel Agacinski[d][8] і П’ер Альфэры[d]
Узнагароды	прэмія Тэадора Адорна[d] (2001) Harry Oppenheimer Fellowship Award[d] (2008)
Жак Дэрыда ў Вікісховішчы

Дэрыда нарадзіўся і гадаваўся ў Эль-Біяры (Альжыр). Сям’я пераехала ў Францыю ў 1949 годзе, калі яму было 19 гадоў. З 1952 вывучаў філязофію ў элітнай школе École Normale Superieure, потым працаваў лектарам у Лувэне (Бэльґія). Падчас вайны Альжыра за незалежнасьць у 1957—1959 гадох ён паехаў у Альжыр, дзе працаваў дзіцячым настаўнікам францускай і ангельскай мовы ў францускай арміі. З 1964 па 1984 выкладаў у École Normale Superieure. У 1966 пачаў выкладаць ва Ўнівэрсытэце Джона Гопкінса, а потым і ў іншых унівэрсытэтах Амэрыкі. З 1986 году Дэрыда быў прафэсарам у Ірвінскім унівэрсытэце ў Каліфорніі. Дэрыда атрымаў ступень ганаровага доктара з Кембрыджу, Калюмбійскага ўнівэрсытэту, Унівэрсытэту Эсэкса, Лувэнскага ўнівэрсытэту. У 2002 годзе ў Амэрыцы выйшаў фільм, прысьвечаны ягонай творчасьці. У 2003 годзе ў яго знайшлі рак падстраўнікавай залозы. Анкалягічная хвароба і сталася прычынай сьмерці 8 кастрычніка 2004 году.

Беларускія пераклады

• Акрамя імя: Эсэ / Жак Дэрыда. — Мн. : Бел. гуманітар. адукац.-культур. цэнтр, 1997. — 102, [1] с. — (Серыя «Універсітэцкая бібліятэка»).

Крыніцы

1. IMDb (анг.) — 1990.
2. Jacques Derrida // Encyclopædia Britannica (анг.)
3. Jacques Derrida // RKDartists (нід.)
4. The Fine Art Archive
5. Fichier des personnes décédées mirror
6. Agence bibliographique de l'enseignement supérieur (France) Système universitaire de documentation (фр.) — Montpellier: ABES, 2001.
7. FCT (фр.)
8. http://www.lepoint.fr/actualites/2007-07-19/le-petit-a-decroche-l-agreg/1331/0/192988