Герб Беларусі

Герб Беларусі — герб нацыянальнай дзяржавы беларускага народа, усеагульнае міжнароднае прызнаньне якой адбылося ў пачатку 1990-х гадоў.

• Пагоня — дзяржаўны герб Беларусі, традыцыйны нацыянальны герб беларусаў^[1], з колераў якога ўтвараецца нацыянальны бел-чырвона-белы сьцяг. Гэта выява ўзброенага вершніка на белым кані на чырвонай тарчы. Вершнік трымае ў паднятай правай руцэ меч, у левай — тарчу з шасьціканцовым крыжам. Дзяржаўны герб Вялікага Княства Літоўскага і Беларускай Народнай Рэспублікі, гістарычна-культурная каштоўнасьць Беларусі^[2].
• Герб рэжыму Лукашэнкі — прыніжальны для беларусаў^[3] расейскі каляніяльны^[4] герб рэжыму Лукашэнкі, незаконна абвешчаны «дзяржаўным гербам Беларусі» ўказам Лукашэнкі ад 12 чэрвеня 1995 году^[5] на фармальнай падставе сфальсыфікаванага рэфэрэндуму 14 траўня 1995 году, які праводзіўся ва ўмовах тэрору супраць беларусаў^[6]. Элемэнт палітыкі русіфікацыі (этнацыду) беларусаў. Гэта зялёны контур тэрыторыі Беларусі ў залатых промнях сонца над зямною куляй. Над контурам знаходзіцца чырвоная зорка, зьлева і справа контур абкружае вянок з залатых каласоў, пераплеценых кветкамі канюшыны і льну. Каласы абвіваюць стужкі колераў чырвона-зялёнага сьцяга, унізе на стужцы разьмяшчаецца залаты надпіс «Рэспубліка Беларусь». Мадыфікацыя гербу БССР, распрацаванага на ўзор савецкага гербу Расеі і зацьверджанага ў час кульмінацыі Сталінскага тэрору (генацыду) у 1938 годзе^[7]. Разам з чырвона-зялёным сьцягам не супадае з нацыянальнымі сымбалямі беларусаў і асацыюецца найперш з асобай Лукашэнкі і той палітычнай і сацыяльна-эканамічнай мадэльлю, якую ён увасабляе^[8].

Пагоня — нацыянальны герб беларусаў і Беларусі

Храналёгія

Гербы Беларусі і чужынскіх (у тым ліку расейскіх калябарацыянісцкіх) утварэньняў на тэрыторыі Беларусі
Выява	Назва дзяржавы	Час	Назва гербу
	Вялікае Княства Літоўскае	XIV—XVII ст.	Пагоня
		XVII—XVIII ст.	Пагоня
	Княствы і вобласьці беларускія і літоўскія на вялікім гербе Расейскай імпэрыі	1795—1917 гады	Коньнік зь мячом
	Беларуская Народная Рэспубліка	з 1918 году	Пагоня
	ССРБ	1919—1927 гады
	БССР	1927—1937 гады
		1937—1938 гады
		1938—1949 гады
		1949—1958 гады
		1958—1981 гады
		1981—1991
	Рэспубліка Беларусь	з 1991 году	Пагоня
	Рэжым Лукашэнкі	1995—2012 гады
		2012—2021 гады
		з 2021 году

Глядзіце таксама

• Сымболіка Беларусі
• Сьцяг Беларусі

Крыніцы

1. Ткачоў М. Беларускія нацыянальныя сімвалы // ЭГБ. — Мн.: 1993 Т. 1. С. 391.
2. Пастанова Савета Міністраў Рэспублікі Беларусь 14 траўня 2007 г. № 578 «Аб статусе гісторыка-культурных каштоўнасцей»
3. Алесь Чайчыц, 10 аргумэнтаў за «Пагоню», Радыё Свабода, 15 лютага 2020 г.
4. Мікулевіч С., Гезгала С. Сёння — Дзень Пагоні і нацыянальнага сцяга, Наша Ніва, 19 верасьня 2012 г.
5. Латышонак А. Дзяржаўная сымболіка Беларускай Народнай Рэспублікі // Жаўнеры БНР. — Беласток-Вільня, 2009.
6. Навумчык С. Рэфэрэндум-95 пра сымболіку і мову ня быў легітымным, Радыё Свабода, 12 траўня 2019 г.
7. Цітоў А. Сфрагістыка і геральдыка Беларусі. — Менск: РІВШ БДУ, 1999.
8. Шаланда А. Кароткі нарыс гісторыі беларускай нацыянальнай і дзяржаўнай сімволікі // Герольд Litherland. № 21, 2019. С. 10.

Гэтая назва мае некалькі сэнсаў. Калі ласка, выберыце той, які Вас цікавіць. Калі вы патрапілі сюды зь іншай старонкі Вікіпэдыі, калі ласка, вярніцеся і выпраўце спасылку на патрэбную.