Czerwone Gitary

Czerwone Gitary (па-беларуску: Чырвоныя гітары) — польскі бігбітавы(en) гурт, заснаваны ў 1965 року ў Гданьску-Ўжэшчы.

Czerwone Gitary
Канцэрт «Чырвоных гітараў» (2009)
Гады	з 1965
Краіна	Польшча
Месца ўтварэньня	Гданьск, Польшча
Мова	польская, нямецкая
Жанр	рок, бігбіт
Выдавец	«Pronit» «Muza» «Amiga» «Tonpress» «Melodia» «AM Music» «Rubicon»
Удзельнікі	Jerzy Skrzypczyk[d]
Былыя ўдзельнікі	Севярын Краеўскі Бэрнард Дарноўскі Крыштаф Кленчан Рышард Качмарэк Генрык Замэрскі Войцех Гофман Дамінік Кута Ян Пасьпешальскі Аркадыюш Маліноўскі Марэк Кісялінскі Артур Хыб Ежы Касэля Марцін Невянглоўскі
czerwonegitary.pl

Мінуўшчына

Гурт заснавалі Бэрнард Дарноўскі, Ежы Касэля, Крыштаф Кленчан, Ежы Скрыпчык, Генрык Замэрскі 3 студзеня 1965 року ў кавярні «Cristal» у Гданьску-Ўжэшчы^[1]. Назву атрымалі ад колеру інструмэнтаў, на якіх гралі. У канцы року месца Замэрскага заняў Севярын Краеўскі.

Найбольшага посьпеху «Чырвоныя гітары» дасягнулі ў першыя 5 гадоў існаваньня. У 1966 гурт выдаў свой дэбютны альбом To właśnie my (бел. Гэта ўласна мы), распрададзены колькасьцю 160 тыс. асобнікаў. У сакавіку 1967 року калектыў пакінуў заснавальнік і першы лідэр Ежы Касэля. У траўні 1967 гурт выпусьціў другую доўгагральную кружэлку Czerwone Gitary 2 (бел. Чырвоныя гітары-2), які разышоўся рэкорднай колькасьцю 240 тыс. штук. Севярын Краеўскі атрымаў на фэстывалі ў Аполю прэмію Польскай джазавай фэдэрацыі за кампазытарскі дэбют. У 1968 выйшаў наступны альбом Czerwone Gitary 3 (бел. Чырвоныя гітары-3), распрададзены 220 тыс. асобнікаў, а гурт заваяваў першую ўзнагароду ў Аполю за «Takie ładne oczy». У студзені 1969 гурт атрымаў прэмію «MIDEM» у Канах (Францыя), надаваную за найбольшую колькасьць прададзеных кружэлак у краіне паходжаньня выканаўцы; такую ж узнагароду атрымалі ў гэты год «The Beatles». У чэрвені — галоўная ўзнагарода фэстывалю ў Аполю за песьню «Biały krzyż» (бел. Белы крыж). У 1970 року з групы сышоў тагачасны лідэр Крыштаф Кленчан.

У 1970 была запісаная даўгагральная пласьцінка Na fujarce (бел. На дудцы), які некаторыя крытыкі лічаць найлепшым у гісторыі калектыву. У 1971 выйшоў чарговы даўгагральны альбом Spokój serca (бел. Спакой сэрца) (чарговая залатая кружэлка). У 1974 запісаны альбом Rytm Ziemi (бел. Рытм Зямлі). У 1976 выйшла юбілейная кружэлка Dzień jeden w roku (бел. Адзін дзень у годзе), а праз год Port piratów (бел. Порт піратаў).

У 80-я рокі калектыў надоўга зьнік з польскай эстрады, але выступаў у ЗША, СССР, НДР. У 1991 року надышло вялікае і трыюмфальнае вяртаньне на 25-годзьдзе гурту. У 1997 року з «Чырвоных гітараў» сышоў чарговы лідэр, Севярын Краеўскі. У 1998 выйшла новая кружэлка …jeszcze gra muzyka (бел. …яшчэ грае музыка), першая за 24 гады. У 2005 року гурт адзначыў 40-гадовы юбілей. З гэтай нагоды выйшла новая кружэлка Czerwone Gitary OK.

У 2006 року «Чырвоныя гітары» атрымалі «Мармуровую кружэлку» — прэмію за найбольшую колькасьць прададзеных кружэлак у гісторыі польскай фанаграфіі^[1].

Праз год быў прэзэнтаваны самотнік «Wezmę cię ze sobą» (бел. Вазьму цябе з сабой). У 2009 року ў нямецкай студыі «Sony BMG Deutschland» выйшаў альбом Herz verschenkt. У наступным року зьявіўся чарговы самотнік «Lecz tylko na chwilę». Тады ж гурт атрымаў залатую кружэлку за альбом «Czerwone Gitary OK»^[1].

З нагоды 50-рочча калектыву ў 2015 року адбылося турнэ па Злучаных Штатах і Канадзе^[2]. 14 сакавіка адбылася прэм’ера новага дыску гурту Jeszcze raz (бел. Яшчэ раз).

Склад гурту

Цяперашні

• Ежы Скрыпчык — ударныя, сьпеў (з 1965)
• Мечыслаў Вандалоўскі — акустычная гітара, сьпеў (з 1997)
• Аркадыюш Вісьнеўскі — бам-гітара, сьпеў (з 2003)
• Дарыюш Альшэўскі — сола-гітара, сьпеў (2000—2004, з 2010)

Былыя ўдзельнікі

• Ежы Касэля — гітара, сьпеў (1965—1967, 1991—1993, 1999—2015)
• Бэрнард Дарноўскі — сьпеў, гітара, бас-гітара (1965—1999)
• Севярын Краеўскі — сьпеў, гітара, бас-гітара, клявішныя, скрыпка (1965—1997)
• Генрык Замэрскі — клявішныя, бас-гітара, сьпеў (1965, 1999—2011)
• Крыштаф Кленчан — сьпеў, гітара (1965—1970)
• Дамінік Конрад — флейта, гітара, сьпеў (1970)
• Рышард Качмарэк — бас-гітара (1974—1976)
• Ян Пасьпешальскі — бас-гітара (1977—1979)
• Войцех Гофман — гітара (1997—2000)
• Аркадыюш Маліноўскі — бас-гітара, сьпеў (1999—2003)
• Марэк Кісялінскі — гітара, клявішныя, сьпеў (2004—2013)
• Артур Хыб — гітара (2013—2014)
• Марцін Невянглоўскі — гітара, сьпеў (2014—2016)^[3]

Храналёгія

Дыскаграфія

• 1966 — «To właśnie my»
• 1967 — «Czerwone Gitary (2)»
• 1968 — «Czerwone Gitary (3)»
• 1970 — «Na fujarce»
• 1971 — «Spokój serca»
• 1971 — «Consuela»
• 1974 — «Rytm Ziemi»
• 1976 — «Dzień jeden w roku»
• 1977 — «Port piratów»
• 1978 — «Rote Gitarren»
• 1999 — «…jeszcze gra muzyka»
• 2005 — «O.K.» (залатая кружэлка)^[4]
• 2009 — «Herz verschenkt»
• 2015 — «Jeszcze raz»^[5]
• 2015 — «Symfonicznie»

Крыніцы

1. Biografia (пол.). Czerwone Gitary. Праверана 30 верасьня 2018 г.
2. Rozmaitości/ Czerwone Gitary grają w USA i w Kanadzie (пол.) PAP life Праверана 30 верасьня 2018 г.
3. «Słowa, słowa — choćby kilka słów…» (пол.) Czerwone Gitary » blog Justyny i Moniki Праверана 30 верасьня 2018 г.
4. Złote płyty CD — Archiwum — 2010 (пол.) ZPAV Праверана 30 верасьня 2018 г.
5. Nowa płyta zespołu Czerwone Gitary — «Jeszcze raz» (пол.) Onet Muzyka Праверана 30 верасьня 2018 г.

Вонкавыя спасылкі

• Афіцыйная бачына (пол.)
• Архіў польскага року (пол.)