Царква Сьвятога Сімяона Стоўпніка (Кажан-Гарадок)

Царква Сьвятога Сімяона Стоўпніка — помнік архітэктуры XIX стагодзьдзя ў Кажан-Гарадку. Знаходзіцца на ўсходняй ускраіне колішняга мястэчка, на могілках. Дзее. Твор традыцыйнай беларускай драўлянай архітэктуры.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Сімяона Стоўпніка (неадназначнасьць).

Помнік сакральнай архітэктуры
Царква Сьвятога Сімяона Стоўпніка
Краіна	Беларусь
Вёска	Кажан-Гарадок
Каардынаты	52°12′30.77″ пн. ш. 27°00′58.17″ у. д.
Канфэсія	Беларускі экзархат
Эпархія	Пінская япархія
Царква Сьвятога Сімяона Стоўпніка на мапе Беларусі Царква Сьвятога Сімяона Стоўпніка

Гісторыя

Драўляную могілкавую царкву ў Кажан-Гарадку збудавалі ў XIX ст.

Архітэктура

Помнік традыцыйнай беларускай драўлянай архітэктуры. Першапачаткова 4-сьценны зруб накрываўся чаротавым вальмавым дахам з драўляным крыжам на вільчыку. Фасады падзяляліся лапаткамі і прастакутнымі аконнымі праёмамі.

У інтэр’еры захоўваецца драўляны разны ківоры, выкананы Ёсіфам Астапчыкам па 1818 годзе, абразы XVIII ст. «Маці Божая Адзігітрыя Казанская», «Маці Божая з Эмануілам і Сьвяты Мікалай», «Сьвяты Пётар», «Сьвяты Павал», «Мікалай Цудатворца»^[1].

Крыніцы

1. Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятога Сімяона Стоўпніка ў Кажан-Гарадку, Radzima.org