Тацяна Грыневіч-Матафонава

Таця́на Грыне́віч-Матафо́нава (нар. 10 лістапада 1977, Ашмяны Гарадзенскай вобласьці БССР) — беларуская музыка, сьпявачка.

Тацяна Грыневіч-Матафонава
Дата нараджэньня	10 лістапада 1977 (47 гадоў)
Месца нараджэньня	Ашмяны, Гарадзенская вобласьць
Грамадзянства	Беларусь
Месца вучобы	Беларускі дзяржаўны ўнівэрсытэт культуры і мастацтваў Маладэчанская дзяржаўная музычная вучэльня[d]
Занятак	музыка
Гады дзейнасьці	сярэдзіна 2000-х — дагэтуль
Інструмэнты	скрыпка, гітара
Гурты	Дзяржаўны камэрны хор Рэспублікі Беларусь Капэля „На таку“
Супрацоўніцтва	Зьміцер Сідаровіч Сяржук Сокалаў-Воюш

Жыцьцяпіс

Нарадзілася 10 лістапада 1977 року ў Ашмянах. Бацька — Іван Ігнатавіч, сувязіст; маці — Ала Іванаўна, настаўніца музычнай школы; пазнаёміліся ў Ашмянах. Мелі трох дзяцей, Тацяна — сярэдняя^[1].

Скончыла Ашмянскую сярэднюю школу №2 і музычную школу, Маладэчанскую музычную вучэльню па спэцыяльнасьці „дырыгент“, Беларускі дзяржаўны інстытут культуры.

Падчас навучаньня ў 2000 року пабралася шлюбам з Алесем Матафонавым, студэнтам таго ж вну. Зь ім мае сына Адася. Праз тры гады сям’я распалася^[1].

Працавала акампаніятаркай у школе, пасьля ў хоры „Санорус“, 12 гадоў адпрацавала ў камэрным хоры Белдзяржфілярмоніі. У 2007—2009 супрацоўнічала таксама з хорам праваслаўнага сабору Гайнаўкі (Польшча).

Як сольная сьпявачка канцэртуе з 2008 року. Выступала ў школах, бібліятэках, музэях, прадпрыемствах па ўсёй Беларусі. Таксама выступала на 400-годзьдзі Докшыцкай каталіцкай парафіі (2007) і на 600-годзьдзі Сынковіцкай царквы (2008)^[2]. Актыўна ўдзельнічала ў кампаніі „Будзьма беларусамі!“, выступала на курсах „Мова нанова“.

У верасьні 2020 року зьехала ў Турэччыну^[3].

Дыскаграфія

• Дзіцячы альбом (2010)
• З Новым годам (2011)
• Анталёгія беларускага рамансу «Шыпшына» (2012)
• Няма прыгажэй ад маёй Беларусі. Альбом школьных вершаў (2012)
• Пасьпеўкі (2012)
• Сотня вершаў (2014)
• Дзіцячы альбом-2 (2014)
• Галасы паэтаў (2016)
• Гукаю цябе (2018)
• Дзіцячы альбом-3 (2020)

Крыніцы

1. Тамковіч, Аляксандар (11 чэрвеня 2017) Мары Тацяны Грыневіч Асоба. Новы час. Праверана 9 сакавіка 2021 г.
2. Тацяна Матафонава: „Адкрыла Беларусь з нараджэньнем дзіцяці“ Праверана 9 сакавіка 2021 г.
3. „Першая скрыпка пратэстаў“. Сьпявачка зьехала ад перасьледу ў Стамбул і працягвае там беларускую справу Людзі. Радыё „Свабода“ (2 сакавіка 2021). Праверана 9 сакавіка 2021 г.

Літаратура

• Сяргей Чыгрын. Тацяна Грыневіч: „Мы самі зьяўляемся стваральнікамі свайго жыцьця“ // Czasopis : Беларускі грамадзка-культурны штомесячнік. — красавік 2019. — № 4 (323). — С. 14—17.

Вонкавыя спасылкі

• Тацяна Грыневіч-Матафонава ў Facebook