Паолё Пэццы

Яго Эмінэнцыя Паолё Пэццы, таксама Павал Пэццы (па-італьянску: Paolo Pezzi, па-расейску: Паоло Пецци, Павел Пецци; нарадзіўся 8 жніўня 1960, Русі, Эмілія-Раманьня, Італія) — каталіцкі дзеяч Расеі, арцыбіскуп.

Паолё Пэццы
па-італьянску: Paolo Pezzi
арцыбіскуп архідыяцэзіі Маці Божай у Маскве
2007 — цяперашні час
Папярэднік:	Тадэвуш Кандрусевіч
Асабістыя зьвесткі
Нарадзіўся:	8 жніўня 1960 Русі, Эмілія-Раманьня, Італія
Адукацыя:	Папскі Ўнівэрсытэт Сьвятога Тамаша Аквінскага
Паолё Пэццы ў Вікісховішчы

Біяграфія

У 1985—1990 вывучаў філязофію і Багаслоўе ў Папскім Унівэрсытэце сьвятога Тамаша Аквінскага (Ангелікум)^[1]. Высьвечаны на сьвятара 22 сьнежня 1990, абараніў доктарскую дысэртацыю па пастырскім багаслоўі ў Лятэранскім унівэрсытэце па тэме «Каталікі Сыбіры: паходжаньне, ганеньні, цяперашні дзень» (па-італьянску: «Cattolici in Siberia, le origini, le persecuzioni, l’oggi»).

У 1993—1998 — дэкан цэнтральнага рэгіёна Сыбіры (цяперашняй дыяцэзіі перамяненьня Панскага). У 1998—2005 — генэральны вікарый Сьвятарскага братэрства місіянэраў сьв. Карла Барамэо; адказны за працу руху «Comunione e Liberazione» ў Расеі (з 1998). З 2004 выкладае ў санкт-пецярбурскай сэмінарыі «Марыя — Валадарка Апосталаў», з 2006 зьяўляецца яе рэктарам.

21 верасьня 2007 прызначаны арцыбіскупам Архідыяцэзіі Маці Божай у Маскве. Кансакраваны 27 кастрычніка 2007, галоўным кансакрантам быў папярэднік Пэццы арцыбіскуп Тадэвуш Кандрусевіч, іншымі кансакрантамі — апостальскі нунцый Антоніё Мэніні і старшыня канфэрэнцыі каталіцкіх біскупаў Расеі біскуп Ёзэф Вэрт. Таксама на кансакрацыі прысутнічалі расейскія біскупы Клемэнс Пікэль, Кірыл Клімовіч; арцыбіскуп Астаны Томаш Пэта і біскуп гораду Парынтынс (Бразылія) Джуліяна Фрыджэні, намесьнік старшыні Аддзелу вонкавых царкоўных сувязяў Маскоўскага Патрыярхату протаярэй Усевалад Чаплін.

Валодае італійскай, расейскай, ангельскай, гішпанскай мовамі.

Працы

• Павел Пецци. Что такое человек, чтобы помнить о нём. (Лекции по социальной антропологии) Новосибирск, ЦЭРИС, 2000

Папярэднік Тадэвуш Кандрусевіч	Ардынар архідыяцэзіі Маці Божай у Маскве 2007—	Наступнік —

Крыніцы

1. Sala Stampa della Santa Sede, Bollettino quotidiano del: 21.09.2007, Rinunce e nomine, Nomina dell’Arcivescovo Metropolita dell’Arcidiocesi «della Madre di Dio» a Mosca (Federazione Russa)  (італ.)

Вонкавыя спасылкі

• Папа римский назначил нового главу российских католиков (рас.)
• Archbishop Paolo Pezzi, F.S.C.B. (анг.)
• Паолё Пэццы: біскупская сакра (відэа)(недаступная спасылка)