Голас Радзімы — дзяржаўная інфармацыйна-асьветная газэта для беларусаў на эміграцыі.
| Голас Радзімы | |
| Тып | штотыднёвая |
|---|---|
| Выдавец | Выдавецкі дом «Зьвязда» |
| Галоўны рэдактар | Іван Ждановіч |
| Заснаваная | 6 красавіка 1955 (69 гадоў таму) |
| Палітыка | Урадавая |
| Мова | беларуская |
| Штаб-кватэра | Менск, вул. Б.Хмяльніцкага, 10а. |
Гісторыя
Выдаецца з 6 красавіка 1955 году ў Менску на беларускай мове штотыднёва. Да студзеня 1960 году называлася «За вяртанне на Радзіму».
Заснавана сэкцыяй Савецкага камітэту «За вяртаньне на Радзіму» для прапаганды савецкага ладу жыцьця сярод беларускіх эмігрантаў. Зь сярэдзіны 1970-х гадоў асьвятляла жыцьцё, у тым ліку беларускай эміграцыі. Зь сярэдзіны 1990-х гадоў адзінае беларускае выданьне, якое распаўсюджваецца сярод нацыянальнай дыяспары і ў асяродзьдзі замежных беларусістаў.
Інфармуе аб палітычных працэсах, якія адбываюцца ў Беларусі, навінах грамадзка-культурнага жыцьця. Публікуе шмат матэрыялаў па гісторыі Беларусі, асьвятляе жыцьцё беларусаў у далёкім і блізкім замежжы. Да 1993 году выдавалася «Бібліятэчка газэты «Голас Радзімы». Выдадзена больш за 150 кніг і брашур.
Сьпярша выдавалася Беларускім таварыствам па сувязях з суайчыньнікамі за рубяжом. Потым да 2018 году зьяўлялася дадаткам да газэты «Советская Белоруссия». Пазьней выдаецца як асобнае выданьне Выдавецкім домам «Звязда».
Вонкавыя спасылкі
Літаратура
- Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — С. 323. — 576 с. — 10 000 ас. — ISBN 985-11-0090-0
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
