![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/Prim_GRES.jpg/640px-Prim_GRES.jpg&w=640&q=50)
Цеплавая электрычная станцыя
электрастанцыя, якая вырабляе электрычнасьць зь цеплавой энэргіі / From Wikipedia, the free encyclopedia
Цеплавая электрычная станцыя (цеплавая электрастанцыя, ЦЭС) — электрастанцыя, якая выпрацоўвае электрычную энэргію й цяпло (або толькі электрычную энэргію) у выніку пераўтварэньня цеплавой энэргіі, якая выдзяляецца пры спальваньні арганічнага паліва.
![Thumb image](http://upload.wikimedia.org/wikipedia/commons/thumb/2/24/Prim_GRES.jpg/640px-Prim_GRES.jpg)
Існуе некалькі тыпаў цеплавых электрастанцыяў. Самы распаўсюджаны і традыцыйны — цеплавая паратурбінная электрастанцыя (ЦПЭС), у якой цяпло згараньня арганічнага паліва выкарыстоўваецца для пераўтварэньня вады ў пару высокага ціску, якая ў сваю чаргу вярціць паравую турбіну, вал якой злучаны з валам генэратара. ЦПЭС, якая выпрацоўвае для спажыўцоў акрамя электраэнэргіі цяпло пары, называецца цеплаэлектрацэнтральлю (ЦЭЦ); якая толькі электраэнэргію — кандынсацыйнай электрастанцыяй (КЭС). Але ў апошні час усё большы распаўсюд адтрымоўваюць цеплавыя газатурбінныя электрастанцыі (ЦГЭС), у якіх дымавыя газы (прадукты рэакцыі гарэньня паліва) не перадаюць сваё цяпло пары, а непасрэдна самі прыводзяць у рух газавую турбіну.
Сумясьціць перавагі і ліквідаваць недахопы гэтых двух тыпаў ЦЭС спрабуюць у парагазавых электрастанцыях (ПГЭС). Для выпрацоўкі невялікай колькасьці электраэнэргіі выкарыстоўваюць таксама ЦЭС з паршнявымі рухавікамі ўнутраннага згараньня (напрыклад рухавік Дызэля).
Часам тэрмін цеплавыя электрастанцыі ўжываюць да электрастанцыяў, якія пераўтвараюць у электрычную энэргію цяпло, якое атрымоўваецца ня толькі праз спальваньне арганічнага паліва (атамныя электрастанцыі (АЭС), геатэрмальныя электрастанцыя).