![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Napaleon_Orda._%25D0%259D%25D0%25B0%25D0%25BF%25D0%25B0%25D0%25BB%25D0%25B5%25D0%25BE%25D0%25BD_%25D0%259E%25D1%2580%25D0%25B4%25D0%25B0_%2528A._Regulski%252C_1883%2529.jpg/640px-Napaleon_Orda._%25D0%259D%25D0%25B0%25D0%25BF%25D0%25B0%25D0%25BB%25D0%25B5%25D0%25BE%25D0%25BD_%25D0%259E%25D1%2580%25D0%25B4%25D0%25B0_%2528A._Regulski%252C_1883%2529.jpg&w=640&q=50)
Напалеон Орда
польскі маляр / From Wikipedia, the free encyclopedia
Напалео́н О́рда (11 лютага 1807, Варацэвічы, Пінскі павет, Менская губэрня, Расейская імпэрыя — 26 красавіка 1883, Варшава, Расейская імпэрыя) — беларускі і польскі мастак, кампазытар, пісьменьнік.
Напалеон Орда лац. Napaleon Orda | |
![]() | |
Імя пры нараджэньні | Напалеон Мацей Тадэвуш Орда[1] |
---|---|
Дата нараджэньня | 11 лютага 1807(1807-02-11)[2][3][4] |
Месца нараджэньня | |
Дата сьмерці | 26 красавіка 1883(1883-04-26)[2][4] (76 гадоў) |
Месца сьмерці | |
Месца пахаваньня | |
Месца вучобы | |
Занятак | жывапіс (малюнак) |
Жанры | пэйзаж |
Узнагароды | |
- Вікіпэдыя мае артыкулы пра іншых асобаў з прозьвішчам Орда.
Напалеон Орда атрымаў вядомасьць стварэньнем сыстэматызаваных сэрыяў архітэктурна-гістарычных пэйзажаў, якія зафіксавалі былую славу, веліч і культуру беларускага і польскага народаў. Да нашых дзён дайшло 1060 малюнкаў мастака, якія пераважна захоўваюцца ў музэях Польшчы і Ўкраіны. Апроч таго, існуе 136 літаграфіяў яго твораў, якія хутчэй за ўсё не захаваліся. У яго малюнках — пэйзажы большасьці краінаў Эўропы, а таксама шматлікіх месцаў Польшчы, Беларусі, Летувы і Ўкраіны[5].
Н. Орда захапляўся музыкай. Сябраваў з Ф. Шапэнам, спачатку займаўся пад яго кіраўніцтвам, пасьля чаго ўжо сам выдатна граў на фартэпіяна і нават выкладаў[6]. Адзін сэзон (1847) зьяўляўся дырэктарам Італьянскай опэры ў Парыжы[7]. Быў асабіста знаёмы і сябраваў з А. Міцкевічам, І. Дамейкам, Ф. Лістам[8].