![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/90/Vykrada%25C5%2584nie_Europy.jpg/640px-Vykrada%25C5%2584nie_Europy.jpg&w=640&q=50)
Лацінка
беларускі лацінскі альфабэт / From Wikipedia, the free encyclopedia
Лаці́нка (Łacinka), таксама вядомая як Белару́ская лаці́нка (Biełaruskaja łacinka) — варыянт лацінскага альфабэту, прызначаны для запісу беларускай мовы[lower-alpha 1]. Адзін з традыцыйных нацыянальных беларускіх альфабэтаў разам з кірылічным[1].
- Гэта артыкул пра беларускі лацінскі альфабэт. Калі вам патрэбны артыкул пра лацінскі альфабэт увогуле, глядзіце артыкул Лацінскі альфабэт. Пра ўкраінскі лацінскі альфабэт глядзіце артыкул Украінская лацінка.
![Thumb image](http://upload.wikimedia.org/wikipedia/commons/thumb/9/90/Vykrada%C5%84nie_Europy.jpg/640px-Vykrada%C5%84nie_Europy.jpg)
![Thumb image](http://upload.wikimedia.org/wikipedia/commons/thumb/d/dd/Branis%C5%82a%C5%AD_Tara%C5%A1kievi%C4%8D_-_Bie%C5%82aruskaja_gramatyka_dla_%C5%A1ko%C5%82%2C_1931.jpg/320px-Branis%C5%82a%C5%AD_Tara%C5%A1kievi%C4%8D_-_Bie%C5%82aruskaja_gramatyka_dla_%C5%A1ko%C5%82%2C_1931.jpg)
У сучаснай форме ўжываецца беларускімі пісьменьнікамі і творчымі дзеячамі, журналістамі ў мас-мэдыя, вытворцамі ў аздабленьні прадукцыі, карыстальнікамі ў інтэрнэце. Дзеля трансьлітарацыі геаграфічных назваў Беларусі да 2023 году афіцыйна выкарыстоўвалася Інструкцыя па трансьлітарацыі, створаная на аснове беларускага лацінскага альфабэту. Тым часам, паводле сусьветнай практыкі, пры наяўнасьці ў пэўнай мове традыцыйнага лацінскага альфабэту ўсе ўласныя назвы (ня толькі геаграфічныя), якія належаць гэтай мове, мусяць нязьменна перадавацца ў лацінапісьмовай прасторы іншых моваў. Асобныя сыстэмы трансьлітарацыі ствараюцца толькі для тых моваў, якія гістарычна ня маюць лацінскага альфабэту[2].