Лянгёй

	Лянгёй
	франц. Longueuil
Герб Лянгёю	Сьцяг Лянгёю
Дата заснаваньня:	1657 і 1 студзеня 2003
Краіна:	Канада
Правінцыя:	Квэбэк
Рэгіён:	Мантэрэжы
Кіраўнік:	Катрын Фурнье[d]
Плошча:	122,9 км²;
Вышыня:	15 м н. у. м.
Насельніцтва:	▼253 629 чал. (1 ліпеня 2022);
Геаграфічныя каардынаты:	45°30′50.7″ пн. ш. 73°26′16.9″ з. д.
	Лянгёй на мапе Канады Лянгёй
	Галерэя здымкаў у Вікісховішчы
	https://longueuil.quebec/fr

Лянгёй (па-француску: Longueuil) — горад у Канадзе, разьмешчаны ў правінцыі Квэбэк, у адміністрацыйным рэгіёне Мантэрэжы. Лянгёй знаходзіцца на паўднёвым беразе ракі Сьвятога Ляўрэнція насупраць Манрэалю. Насельніцтва па стане на 2011 год склала 231 409 чалавек^[2], што робіць яго другім паводле велічыні прадмесьцем Манрэаля й пятым паводле колькасьці насельніцтва горадам у правінцыі Квэбэк і дзевятнаццатым паводле велічыні ў Канадзе.

Хуткія факты

Закрыць

Купец з форту Віль-Мары, Шарль Ле Мойн заснаваў Лянгёй як сэньёрыю ў 1657 годзе. Ягоны сын, Шарль Ле Мойн дэ Лянгёй, пабудаваў форт Лянгёй як сваю ўмацаваную рэзыдэнцыі. Ён быў пабудаваны з каменьня паміж 1685 і 1690 гадамі й меў чатыры вежы^[3]. У 1845 годзе сэньёрыя стала прыходам, а ў 1848 годзе атрымала статус вёскі, у 1874 годзе Лянгёй стаўся мястэчкам, а ў 1920 годзе атрымаў статус гораду. Паміж 1961 і 2002 гадамі мяжы гораду павялічыліся ў тры разы, бо ён быў аб’яднаны з суседнімі муніцыпалітэтамі.