From Wikipedia, the free encyclopedia
An Romblon sarong islang probinsya kan Republika kan Filipinas na namomogtak sa MIMAROPA sa Visayas. Igwa ining sukol na 1,533.45 kilometro kwadrado. An designadong area code kaini iyo +63 (0)42.
Romblon | |||
|---|---|---|---|
 | |||
| |||
 Kinamumugtakan kan Romblon | |||
 | |||
| Tagboan: 12°33′0″N 122°16′48″E | |||
| Nasyon | Filipinas | ||
| Pigtugdas | 1947 | ||
| Kapitolyo | Romblon | ||
| Barangay | 219 | ||
| Pamamahala | |||
| • Gobernador nin Romblon | Jose Riano | ||
| • Electorado | 198,078 votantes (9 Mayo 2019) | ||
| Hiwas | |||
| • Kabuuhan | 1,533.45 km2 (592.07 sq mi) | ||
| Populasyon (Mayo 1, 2020)[1] | |||
| • kabuuhan | 308,985 | ||
| • Densidad | 200/km2 (520/sq mi) | ||
| • Saro | 23,575 | ||
| Economia | |||
| • Klase | ikatolo na klaseng probinsya | ||
| • Ingresos | ₱1,086,938,722.81 (2020) | ||
| • Activos | ₱3,537,535,454.84 (2020) | ||
| • Pasivos | ₱1,117,862,885.32 (2020) | ||
| • Gastos | ₱732,746,990.58 (2020) | ||
| Kodigo nin postal | 5500–5515 | ||
| PSGC | 175900000 | ||
| Kodigo telefonico | 42 | ||
| Tataramon | Tataramon na Romblomanon Tataramon na Onhan Tataramon na Asi tataramon na Tagalog | ||
| Websityo | romblonparadise | ||
Sosog sa sensus kan 1 Mayo 2020, igwa ining 308,985 katawong nag-eerok digdi sa 23,575 kaharongan. An banwaan kan Romblon an kapitolyo kaini.
An mayor na hanapbuhay sa Romblon iyo an pagsisira, pagkukupras, asin pagtanom paroy saka abaka. Bantog man an lugar na ini kan saiyang tradisyonal na paghahabol, pagbuburda asin pagsisirikmat nin mga kararaw. Poon kan madiskubre an marmol sa probinsya kan bandang huri nin ika-19ng siglo, an pagtitibag asin paghuhurma sa marmol nin mga produkto siring kan lapida, almiris, estatuwa nin mga santos, pigurin, monumento, rebulto asin mga gamit sa konstruksyon, nagin nang dakulang industriya igdi mala ta an Romblon nabansagan "The marble capital of the Philippines". Mga bloke nin marmol haleng Romblon pigdadara asin pigbebenta na sa iba-ibang probinsya kan Filipinas. Mga produkto sa kahoy siring kan mga muebles asin mga parte sa harong, siring man mga ukit nin mga pigurin dakula man na pigsisibotan na hanapbuhay. An turismo sa probinsya pigtata'wan naman atensyon huli kan magagayon na mga pampang-dagat, asin mga isla igdi. [2][3]
Sa Romblon an mga tataramon na Romblomanon, Onhan, Asi, asin Bantoanan iyo an lakop asin an mga ini nakakaagid sa mga Bisayang lenggwahe arog kan Ilonggo, asin Sugbuanon; alagad, an Tagalog tinataram man kan mga taga-Romblon kun dara kan sitwasyon.
Nababanga an Romblon sa 17 banwaan.
| Taon | Tawo | ±% p.a. |
|---|---|---|
| 1903 | 52,848 | — |
| 1918 | 64,610 | +1.35% |
| 1939 | 99,367 | +2.07% |
| 1948 | 108,817 | +1.01% |
| 1960 | 131,658 | +1.60% |
| 1970 | 167,082 | +2.41% |
| 1975 | 182,209 | +1.75% |
| 1980 | 193,174 | +1.18% |
| 1990 | 227,621 | +1.65% |
| 1995 | 244,654 | +1.36% |
| 2000 | 264,357 | +1.67% |
| 2007 | 279,774 | +0.78% |
| 2010 | 283,930 | +0.54% |
| 2015 | 292,781 | +0.59% |
| 2020 | 308,985 | +1.06% |
| Toltolan: Philippine Statistics Authority[4][5][6][7] | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
