![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e3/Raja_Ravi_Varma_-_Sankaracharya.jpg/640px-Raja_Ravi_Varma_-_Sankaracharya.jpg&w=640&q=50)
Jnana yoga
From Wikipedia, the free encyclopedia
An Jnana yoga (IAST: Jñāna yoga), midbid man sa apod na jnana marga (jñāna mārga), saro sa tolong klasikong dalan (margas) para sa moksha (liberasyon) sa Hinduismo, na nagdodoon kan "dalan nin kaaraman," midbid man sa apod na "pata nin realisasyon sa sadiri". An duwa pa iyo an karma yoga (dalan kan aksyon, karma-mārga) asin bhakti yoga (dalan kan mamomoton na debosyon sa sarong personal na dios, bhakti-mārga). An mga modernong interpretasyon kan mga tekstong Hindu nagbunga nin mga sistema, mga pamamaagi asin mga pormulasyon arog kan raja yoga asin kriya yoga.[1]
![Thumb image](http://upload.wikimedia.org/wikipedia/commons/thumb/e/e3/Raja_Ravi_Varma_-_Sankaracharya.jpg/640px-Raja_Ravi_Varma_-_Sankaracharya.jpg)
An jñāna yoga sarong espiritwal na kaugalean na pinagmamaigotan na kamtan an kaaraman na may mga hapot arog kan "siisay daw ako, ano daw ako" asin iba pa.[2] An mga paraadal sa parate sa tabang nin sarong guru, naghohorophorop, asin minaabot sa nakakapatalingkas na mga pakarorop sa naturalesa kan sadiring Sadiri (Atman, kalag) asin kan relasyon kaiyan sa metapisikal na konsepto na inaapod na Brahman sa Hinduismo.[3] An mga ideyang jñāna-mārga pinag-ulayan sa suanoy asin medieval era na iskriturang Hindu an mga teksto arog kan Upanishad asin Bhagavad Gita.[3]