From Wikipedia, the free encyclopedia
An Bhakti yoga (Sanskrito: भक्ति योग), na inaapod man na Bhakti marga (भक्ति मार्ग, literal na dalan nin Bhakti), sarong espiritwal na dalan o espiritwal na kaugalean sa laog nin Hinduismo na nakasentro sa mamomoton na debosyon sa ano man na personal na dios.[1][2] Saro ini sa tulong klasikong dalan sa Hinduismo na pasiring sa Moksha, an iba pang dalan iyo an Jnana yoga asin Karma yoga.
Igwa nin suanoy na ginikanan an tradisyon. Nasambit an Bhakti sa Shvetashvatara Upanishad kun saen ini nangangahulogan sana nin partisipasyon, debosyon asin pagkamoot sa ano man na paghihingoa.[3][4] An Bhakti yoga bilang saro sa tolong espiritwal na dalan para sa kaligtasan ipinaliliwanag nin biyo kan Bhagavad Gita.[5][6][7]
Manlaenlaen an personal na dios para sa deboto.[8][9] Posibleng kaiba diyan an sarong dios o diosa na arog ninda Ganesha, Krishna, Radha, Rama, Sita, Vishnu, Shiva, Shakti, Lakshmi, Saraswati, Parvati, Durga, asin Surya asin iba pa.
An mga dios na ini nagtalubo sa Bhakti Movement, poon kan mga kabangaan kan ika-1 milenyo CE, hale sa Tamil Nadu sa Habagatan na Indya. Pinangenotan an mobimiento kan mga Saiva Nayanars asin kan Vaisnava Alvars.[10] An saindang mga ideya asin kaugalean ipinasabong na mga berso asin debosyon sa bilog na India sa ika-12 sagkod sa ika-18 na siglo CE.[11][10] An Bhakti marga kabtang kan relihiyosong kaugalean sa Vaishnavismo, Shaivismo, asin Shaktismo.[12][13][14]
Pwede man an debosyon na magin impersonal na pinag-oolayan sa librong Narada's Way of Divine Love na isinurat ni Swami Prabhavanda.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.