From Wikipedia, the free encyclopedia
Donna Karan (pinangaki na Donna Ivy Faske; Oktobre 2, 1948), midibid na "DK", sarong Amerikang tagadesinyo nin moda dangan naggibo nin Donna Karan New York asin tatak na DKNY sa mga bado.
| Donna Karan | |
|---|---|
 Karan at the 2012 Tribeca Film Festival | |
| Kamundagan | Donna Ivy Faske Oktobre 2, 1948 New York City, U.S. |
| Alma mater | The New School |
| Mga aki | 2 |
Si Karan pinangaki na Donna Ivy Faske sa saiyang ina na si Helen "Queenie" Faske (née Rabinowitz) asin ama na si Gabriel "Gabby" Faske sa Forest Hills kataid kan Borough of Queens, New York City. [1] An saiyang pamilya mga Hudyo.[2][3] An saiyang ina nagtrabaho bilang modelo asin tagadesinyo sa showroom nin Chester Weinberg. An saiyang ama paratahi asin tagagibo nin mga aksesorya na panlalaki na nagadan kan tolong taon pa lang si Donna.
Si Karan asin an saiyang matuang tugang na babayi na si Gail pinadakula kan saiyang ina sa Woodmere, sa rehiyon ninFive Towns kan Nassau County, New York.[4][5][6] Nagbali si Donna sa softball, volleyball, asin basketball, dae paglaog sa mga klase kan hayskul, asin nagpapalipas oras sa art department.[7] Nagtapos siya sa Hewlett High School kan 1966,[8] asin nagpadagos sa Parsons School of Design.[9]
Matapos an kolehiyo, nagtabaho si Karan ki Anne Klein,[10] na naging pamayo kan grupo nin tagadesinyo kan Anne Klein na naghaloy hanggang 1984, kun saen niluwas niya an saiyang tatak na Donna Karan.
Nagpuon an karera ni Karan kan siya naging katabang na tagadesinyo ni Anne Klein kan dulong 1960, kun saen siya napromote na associate designer kan 1971. Kan siya katabang ni Anne Klein, naging partisipante siya sa The Battle of Versailles Fashion Show kan Nobyembre 28, 1973.
Nanggana si Karan nin Coty American Fashion Critics’ Award kan 1977 asin kan 1982 (kaiba ni Louis Dell’Ollio para sa Anne Klein). Nakasali man siya sa Coty Hall Of Fame kan 1984.[11] An Council of Fashion Designers of America (CFDA) tinawan siyang onra na Menswear Designer of the Year kan 1992 asin Womenswear Designer of the Year 1990 asin 1996. Siya nominado sa giraray kan 2003 asin natawan nin Lifetime Achievement Award CFDA kan 2004. Nanggana siya nin espesyal na onra sa CFDA awards kan 1985, 1986 asin 1987.[nangangaipo nin toltolan] Nakaresibe si Karan nin Golden Plate Award of the American Academy of Achievement kan 1994.[12]
Kan 1976, pinakasalan ni Donna Faske si Mark Karan, siya nagkaigwa nin aking babayi na si Gabby Karan De Felice. Nagsuwayan sinda kan 1978. Kan 1983, pinakasalan niya si Stephan Weiss, na naging co-CEO sa saiyang kompanya. Nagkaigwa sindang aki na si Corey Weiss. Nagadan si kan 2001 nin huli sa kanser sa baga.[13]
Nakaisrar sa ngunyan si Karan sa Northwest Harbor (East Hampton), New York, pero maintains residences in New York City and the Turks & Caicos Islands.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
