From Wikipedia, the free encyclopedia
Si Anne Klein (Agosto 3, 1923 – Marso 19, 1974) sarong Amerikanang tagadesinyo nin moda asin negosyante, nagmukna kan Anne Klein & Company ngunyan pagsasadiri kan WHP Global, Hulyo 2019).[1]
Minukna niya an Anne Klein & Company kan 1968 kaiba ni Gunther Oppenheim, na sa laog kan sampolong taon naibenta an saiyang mga desinyo sa lampas na 750 na mga tindahan sa USA.[1]
Nagpuon an saiyang karera sa pagdesinyo kang taong 1937 kan siya matawan nin iskolarship sa Traphagen School of Fashion,[2] na naging enot niyang trabaho bilang taga-sketch nin bado sa 7th Avenue.
Kan 1948, pinakasalan niya si Ben Klein, sarong paragibo nin mga bado na kun saen niluwas ninda an mga bado na Junior Sophisticates. An Junior Sophisticates nagtatao nin mga istilo nin bado para sa mga saradit na babayi. Si Anne Klein an mayor na tagadesinyo kan Junior Sophisticates hanggang 1960, kan saindang pagkasuwayan bilang mag-agom. Kan 1963, pinakasalan niya si Matthew "Chip" Rubinstein,asin kan 1968, tinugdok ninda an Klein & Company sa 39th Street. Nagbukas man siya nin Anne Klein Studio sa 57th Street. [3]
Puon kan 1954 siya igwang Mademoiselle Merit Award, nanggana si Anne Klein nin mga onra sa moda asin nagsikat sa internasyunal.
Kan 1967, naggibo siya nin girdle para sa miniskirt.
Kan 1973, siya lang ang solong babayi na nagbali sa fashion show kaiba an limang Amerikano asin limang tagadesinyo na Pranses na may katuyuhan na makakuang kwarta para sa pag-ayos nin Versailles [4][5]
Kan Marso 19, 1974, nagadan si Anne Klein sa edad na 50 nin huli sa breast cancer sa Mount Sinai Hospital, New York, NY .[6]
Pagkagadan ni Anne Klein kan 1974, si Donna Karan asin Louis Dell’Olio an nagpadalagan nin kompanya.[7]
An Anne Klein nakua nin WHP Global kan Hulyo 2019.[1]
Sa ngunyan an tatak nakakabenta puon sa bado, sapatos, relo, alahas asin iba pa sa 60 na bansa sa buong mundo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
