From Wikipedia, the free encyclopedia
Sa kimika, an alkohol (Ingles: alcohol) iyo sarong organikong kompuwesto na igwang dae mababa sa sarong hydroxyl na naggaganang grupo (−OH) na nakasugpon sa saturadong karbon na atomo.[2] An terminong Ingles na alcohol iyo orihinal na bistado bilang an primerong alkohol na etanol (ethyl alcohol), na iyo ginagamit bilang sarong druga sagkod an pangenot na alkohol na yayaon sa mga inumong alkoholiko. Sarong importanteng klase nin mga alkohol, kun sain an metanol asin etanol an pinakasimpleng miyembro, iyo kabali an gabos na kompuwesto na may heneral na pormula na CnH2n+1OH. An mga simpleng alkohol na yaon sa irarom kan artikulong ini iyo kabali an primarya (RCH2OH), sekundarya (R2CHOH), asin tersyerya (R3COH) na mga alkohol.
  | |
| (1) Bola asin istik na modelo nin sarong alkohol na molekula (R3COH). An pula asin puting mga bola iyo nagrerepresenta sa hydroxyl a grupo (-OH). An tolong "R's" iyo minatindog para sa karbon na substituwente o hidroheno na mga atomo.[1] (2) An sugpong angulo sa tahaw nin sarong hydroxyl na grupo (-OH) asin sarong kadena nin mga karbon na atomo (R) |
An suffix na -ol minaluwas sa kimikal na ngaran sa IUPAC nin gabos na substansya kun sain an hydroxyl na grupo iyo an naggaganang grupo na may pinakahalangkaw na priyoridad. Kapag an grupo na may mas halangkaw na priyoridad iyo yayaon sa kompuwesto, an prefix na hydroxy- iyo ginagamit sa IUPAC na ngaran kaini. An suffix na -ol sa dae-IUPAC na mga ngaran (arug kan paracetamol o kolesterol) iyo tipikal man na nag-iindikta na an substansya iyo sarong alkohol. Alagad, nagkapirang mga substansya na igwang hydroxyl na naggaganang grupo (partikular an mga asukar, arug kan glukosa asin sukrosa)iyo igwang ngaran na dae-kabali an suffix na -ol, o prefix na hydroxy-.
 |
An Wikimedia Commons igwa nin medya dapit sa Alcohols. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
