From Wikipedia, the free encyclopedia
An serbesa (Ingles: beer) manungod sa mga siyentipiko iyo sarong klase nin inomon na igwang sadiring pait asin foam kapag binulos na hale sa permentasyon na pang-arak uli kan yeast gamit an “wort” hale sa malta, hops, asin tubig. Ginagamit man an adjunct o iba pang paghahalean kan asukar sa pag-gibo kaini.[1]
![]() Serbesa kan San Miguel | |
Klase | Inomong alkoholiko |
---|---|
Nasyung ginikanan | Alemanya (moderno) |
Kusog nin alkohol | ~5.0% |
Kolor | Bulawan |
Mga ingrediente | Malta, Hops |
Ini daa an pinaka-nakokonsumong inomon, sunod sa tubig asin sa tsa.[2] Ini an pighuhuna na pinakagurang nang alkoholikong inomon sa kinaban. [3][4][5]
Para sa sadiring artikulo, hilingon sa Paggibo nin serbesa (Brewing)
An malta, hops, asin tubig an pigsasabing pinakaimportanteng materyales tangarig makagibo nin serbesa. Para sa rasong ekonomikal sa lado nin komersyo o sa pagliwat kan namit nin serbesa, nagdudugang man nin inaapod na adjunct. An adjunct iyo maribay sa parte nin malta, asin saro an mais sa mga halimbawa kaini. Igwang mga debate kun an yeast talaga sarong pangenot na materyales. Nin uli ta ini nagtatabang sana sa permentasyong proseso asin pigsusuway man lang sana sa produkto kun dae na kaipuhan.[1]
An obheto kaini iyo makagibo nin "wort" (mala-asukar na likido na iyong liliwaton kan mga yeast) gikan sa pagluto kan malta, adjunct (kun igwa man), hops, asin tubig.[1]
Sa pagkalaag kan yeast sa wort, maabot nin semana hasta bulan ini depende sa klase kan yeast asin kusog kan serbesa. An asukar sa wort maliliwat pasiring sa etanol asin karbon dioksido.[1]
Sinasara an yeast tangarig mas malinaw an kaluluwasang serbesa. Dagos man na itataman an mga minamawot na mga ispesipikasyon arug kan kusog kan arak, kolor, pait, namit, lebel nin karbon dioksido, asin iba pa. Kun pasado na an gabos, dagos na ining ibobote pasiring sa tapos na produkto.[1]
An kusog kan ordinaryo na modernong serbesa igwang halos 5% ABV (alcohol per volume). An kimikal na etanol an nagkakawsa kan pagkaburat kan siisay man na mainom kani. Kaipuhan an malipot na temperatura sa produkto para sa mas maray na pag-namit asin kalidad. Sa komersyo, normal na piglalag an serbesa sa bote, aluminum can, o metal keg.[1]
An serbesa uso naman na salakan nin ibang namit kan prutas o herb ngane magtaong ibang siram sa pag'inom. Ini parati iyo an inomon na itinitinda sa mga inom-inoman asin pwede pinapabakal nakabote o nakalata asin mas masulong kisa ibang inomon arog kan arak o kan tuba.
An serbesa may marhay na epekto sa puso ta mga kahelangan na posible igdi naluya an pagdapo basta tama' sana an pag'inom kaini, alagad pag pangana' naman na nagigin nang bisyo, ini pwedeng magratak sa katoy (cirrhosis o hepatitis alkoholiko) asin an pag'inom magresulta sa alkoholismo.[6][7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.