Reünyon

Reünyon (fr. La Réunion Fransızca tələffüz: [la ʁe.y.njɔ̃]) — Fransanın xarici departamentlərindən biri. Hind okeanının qərb hissəsində eyni adlı adada yerləşir. Reünyon Maskaren adaları arasında ən böyüyüdür. Adanın uzunluğu 75 km-dir. Bu vulkan mənşəli adanın çox hissəsini dağlar tutur, onlardan ən hündürü adanın mərkəzində olan Piton-de-Nej dağıdır (3069m).

Reünyon
La Réunion
Bayraq[d] Gerb
21°06′52″ c. e. 55°31′57″ ş. u.HGYO
Ölkə	Fransa[1]
İnzibati mərkəz	Sen-Deni
Tarixi və coğrafiyası
Yaradılıb	21 mart 1946
Sahəsi	2.512 km²
Saat qurşağı	UTC+04:00
Əhalisi
Əhalisi	871.157 nəf. (1 yanvar 2021)[2]
Rəqəmsal identifikatorlar
ISO kodu	FR-974
İnternet domeni	.re
Avtomobil nömrəsi	974
Rəsmi sayt
Vikianbarda əlaqəli mediafayllar

Coğrafiyası

Ada tropik iqlim qurşağında yerləşsə də, yüksəkliyə doğru hava sərinləşir, yağıntıların miqdarı yüksəklikdən asılı olaraq dəyişir. Cənub və şərqdə leysan yağıntıları ildə 4000 mm, şimalda və qərbdə isə il ərzində 1000 mm-ə qədər rütubət gətirir. Ada siklonların müntəzəm olaraq hərəkət etdiyi zonada yerləşir və güclü leysan yağması ilə müşahidə olunur.

İqtisadiyyatı

Təsərrüfatda kənd təsərrüfatı məhsullarının becərilməsi üstünlük təşkil edir. Adada şəkər qamışı becərilən əsas bitkidir, həmçinin rom, vanil, efir yağı da ixrac edilir.

Turizm

1988-ci ildən turizm yüksək sürətlə inkişaf edir. Gözəl landşaftı, qumlu çimərlikləri turist axınına səbəb olur.

Din

Adanın mərkəzi olan Sen-Deni tolerant bir şəhərdir^[3]. Burada məscidlər və kilsələr qonşuluqda yerləşir^[3]. Adaya müxtəlif dövrlərdə ərəblər, portuqallar və fransızlar sahiblik ediblər^[3]. Hazırda burada müxtəlif dinlərə ibadət edən davranış qaydaları, adət-ənənələrinə görə tamamilə fərqlənən insanlar yaşayırlar^[3].

İstinadlar

1. ArchINFORM (alm.). 1994.
2. Populations légales 2021. Fransa Statistika və İqtisadi Araşdırmalar üzrə Milli İnstitutu, 2023.
3. Reyunyon, Fransanın Hind okeanında bir parçası Arxivləşdirilib 2016-02-05 at the Wayback Machine. milli.az, 03.02.2016  (az.)